ۇلى جىبەك جولىنىڭ بويىنداعى كونە قالا بۇگىندە تۇگەل تۇركىنىڭ ورتالىعىنا اينالىپ، دامۋدىڭ داڭعىل جولىنا ءتۇستى. بۇگىن ارىس قالاسى اكىمدىگىنىڭ ۇيىمداستىرۋىمەن جەرگىلىكتى ارداگەرلەر تۇركى حالىقتارىنىڭ رۋحاني استاناسى اتانعان تۇركىستان قالاسىنا ساپارمەن كەلىپ، جاڭارعان قالانىڭ قۇرىلىسىمەن تانىستى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتى. 

ق ر پرەزيدەنتى قاسىم-جومارت كەمەل ۇلى: «تۇركىستان تەك قازاق حالقىنىڭ عانا ەمەس، كۇللى تۇركى جۇرتىنىڭ قاسيەتتى مەكەنى.  تۇركىستان – سان عاسىرلىق ادامزات شەجىرەسىنىڭ كۋاگەرى جانە وركەنيەت جاۋھارى. قاراپ وتىرساڭىز، حالقىمىزدىڭ ارعى-بەرگى تاريحىندا ەل باستاعان، قول باستاعان تۇلعالارىمىز دا اسا جاۋاپتى ساتتەردە، كۇردەلى ساياسي شەشىمدەر قابىلدايتىن ۋاقىتتاردا تۇركىستانعا تاعزىم ەتە بارعان. تۇڭعىش پرەزيدەنتىمىز – ەلباسى نۇرسۇلتان ءابىش ۇلى نازاربايەۆ تا وسى كيەلى توپىراققا ات باسىن بۇراتىنىن بىلەسىزدەر»، – دەگەن بولاتىن.

ارىس قالاسىنىڭ اكىمى گۇلجان قۇرمانبەكوۆا مامىت قىزى «تۇركىستاندى تۇلەتۋ قاي جاعىنان الىپ قاراعاندا دا تەڭدەسسىز، ۇلى باستاما.   رۋحاني استانامىزدى دامىتۋعا  بارشامىز جاۋاپتىمىز» دەي كەلە كيەلى تۇركىستانعا جولعا شىققان ەڭبەك ارداگەرلەرىنە ءسات-ساپار تىلەدى.