Eldiń qýaty men qozǵaýshy kúshi de – jastar. Jastardyń sapaly bilim, sanaly tálim-tárbıe alyp, salamatty bolyp ósýi – memlekettik saıasattyń basym baǵyttarynyń biri.
Osy oraıda, búgin Shymkent qalasynda Túrkistan oblysy arnaýly oqý oryndary arasynda ótken, 2018 jyldyń «Maýsymashar» oıyndarynyń qorytyndysy boıynsha, Arys qalasynan qatysqan «Qyzyq jigitter» toby jeńiske jetip, I-oryndy ıelenip, kýbokty qanjyǵasyna baılady.
Sonymen qatar oblystyq jastar ortalyǵynyń basshysy B.Dúısebekovtyń arnaıy dıplomymen jáne 150 myń teńgeniń sertıfıkatymen marapattaldy.
Qazirgi tańda KTK oıyndary – jastarǵa tek qana kóterińki kóńil-kúı syılap qana qoımaı, qoǵamdaǵy oılardy, mańyzdy máselelerdi qozǵap, dostyq qarym-qatynastyń nyǵaıýyna septigin tıgizýde.
Endeshe, jeńimpaz topqa shyǵarmashylyq tabystar men bıik belesterdi baǵyndyryp, Arys óńiriniń mártebesin kótere berýlerine tilektespiz.
Arys qalasy ákiminiń baspasóz qyzmeti
