Sońǵy jyldary osy baǵytta kóptegen sharýalar qolǵa alynyp jatyr. Búgingi tańda Arystanbab jáne Otyrartóbeniń aınalasyn abattandyrý jumystary bastaldy.
Búgin aýdanymyzǵa QR Mádenıet jáne sport mınıstri Arystanbek Muhamedıuly arnaıy at basyn burdy. Mınıstrdiń ólkemizge kelý maqsaty Prezıdentimizdiń «Bolashaqqa baǵdar:rýhanı jańǵyrý» atty maqalasy aıasynda Otyrar qalajurty mańynan salynǵaly jatqan «Otyrar qalajurtynyń sapar-ortalyǵyna» «amanat hat» kapsýlasyn salý rásimine qatysý boldy. Saltanatty jıynda sóz alǵan mınıstr:
– Bizdiń maqsatymyz Elbasy tapsyrmasyn buljytpaı oryndap, tarıhymyz ben mádenıetimizdi álemge pash etý. Búgingi sharamyz Uly Jibek joly boıynda jatqan tarıhı ólkeni sheteldikterge tanytýdyń basy bolmaq, – dedi.
Aýdan ákimi Erlan Aıtahanov Arystanbab pen Otyrartóbeni jalǵap turǵan 17 gektar jerde salynatyn nysandardyń jobalarymen tanystyryp shyqty. Munda sapar ortalyǵynan bólek ártúrli nysandar boı kótermek. Etno ortalyq, joǵary dárejeli 60 oryndyq qonaq úı, skver syndy nysandar boı kóteretin bolady.
Bul nysandardyń qurylysyna búdjet qarjysymen qatar jeke ınvestorlar da tartylmaq. Osy nysandar paıdalanýǵa berilgende týrıserdiń Otyrar tarıhymen tolyq tanysýyna múmkindikteri bolady.
Munan soń mınıstr Arystanbek Muhamedıuly Otyrartóbedegi qazba jumystarymen tanysyp, qaıta jańǵyrǵan Otyrar memlekettik arheologıalyq qoryq-mýzeıin aralap shyqty. Atqarylǵan jumystarǵa oń baǵasyn bergen mınıstr jergilikti jáne «Uly Dala Eline saıahat» ekspedısıasynyń jýrnalıserine arnap suhbat berdi.
