Arys qalasynda «Nur Otan» partıasy Arys qalalyq fılıaly men Halyqty jumyspen qamtý ortalyǵy birlesip Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda soltústik óńirlerge qonys aýdarý máselesi boıynsha «Ashyq esik» kúnin ótkizdi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

«Ashyq esik» kúninde qala turǵyndaryna Pavlodar óńirinen arnaıy delegasıany bastap kelgen Sharbaqty aýdandyq jumyspen qamtý ortalyǵynyń dırektory G.Smaılhanova jáne Galkına aýyldyq okrýginiń ákimi D.Nurseıitov nasıhat jumystaryn júrgizdi. Atap aıtqanda, soltústik óńirlerge kóshken azamattar men otbasylarǵa memleket tarapynan kórsetiletin qoldaýlar men bos oryndar jaıy sóz etildi. Nasıhat jumystarynyń nátıjesinde Arys qalasynan 10 otbasy kóshýge nıet bildirip otyrǵandyqtaryn jetkizdi.