ارىس قالاسىندا «Nur Otan» پارتياسى ارىس قالالىق فيليالى مەن حالىقتى جۇمىسپەن قامتۋ ورتالىعى بىرلەسىپ ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا سولتۇستىك وڭىرلەرگە قونىس اۋدارۋ ماسەلەسى بويىنشا «اشىق ەسىك» كۇنىن وتكىزدى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

«اشىق ەسىك» كۇنىندە قالا تۇرعىندارىنا پاۆلودار وڭىرىنەن ارنايى دەلەگاسيانى باستاپ كەلگەن شارباقتى اۋداندىق جۇمىسپەن قامتۋ ورتالىعىنىڭ ديرەكتورى گ.سمايلحانوۆا جانە گالكينا اۋىلدىق وكرۋگىنىڭ اكىمى د.نۇرسەيىتوۆ ناسيحات جۇمىستارىن جۇرگىزدى. اتاپ ايتقاندا، سولتۇستىك وڭىرلەرگە كوشكەن ازاماتتار مەن وتباسىلارعا مەملەكەت تاراپىنان كورسەتىلەتىن قولداۋلار مەن بوس ورىندار جايى ءسوز ەتىلدى. ناسيحات جۇمىستارىنىڭ ناتيجەسىندە ارىس قالاسىنان 10 وتباسى كوشۋگە نيەت ءبىلدىرىپ وتىرعاندىقتارىن جەتكىزدى.