Qazirgi tańda arnaıy shtab qurylyp, áskerıler men quqyq qorǵaý organdary TJ aımaǵyna kelip jetti.
Oblys ákiminiń tapsyrmasyna sáıkes, turǵyndar
1. Aqdala burylysy
2. 41 razezd
3. Vodozobor baǵytynda lagerlerge ornalastyrylady.
Atalǵan úsh baǵyt boıynsha áskerı kólikter, kamazdar men arnaıy jasaq jumyldyrylýda.
Lager basynda turǵyndardy aýdan ákimderi qarsy alyp, jaıǵastyrady.
Áleýmettik nysandardy (aýrýhana, balalar) polısıa qyzmetkerleri kóshirýde.
Qazirgi tańda kóptep tarap jatqan "Bógen" sý qoımasynan keletin qaýip týraly aqparattyń jalǵan ekenin málimdeımiz.
Sondaı-aq, Otyrar men Ordabasy aýdandarynda 100 oryndyq eki gospıtál ashyldy. Qosymsha 30 jedel medısınalyq kóligi jumys isteýde.
Budan buryn jelide Arystaǵy órtti sóndirý úshin Bógen sý qoımasyn tómenge qaraı aǵyzyp jiberedi degen aqparat taraǵan.
Shymkent qalasynyń tótenshe jaǵdaılar komıtetiniń mamandary atalǵan habarlamanyń shyndyqqa janaspaıtynyn atap ótti.
Vedomstvonyń málimetinshe, tıisti sheshimdi Túrkistan oblysy ákimi qabyldaýy tıis. Bul jaǵdaıdyń aldaǵy ýaqytta qalaı órbıtindigine baılanysty bolady.
Mamandar qazirgi ýaqytta sýdy jiberý týraly nusqaýlar túspegenin alǵa tartty.
Túrkistan oblysy ákiminiń kómekshisi atalǵan jaǵdaı baqylaýda ekenin jetkizdi.
"Qazirgi ýaqytta Arys mańyndaǵy Bógen sý qoımasynyń buzylý qaýiptiligi joq", - dep jazdy ol Facebook jelisindegi paraqshasynda.
https://youtu.be/oUdd2UyQznI
