قازىرگى تاڭدا ارنايى شتاب قۇرىلىپ، اسكەريلەر مەن قۇقىق قورعاۋ ورگاندارى تج ايماعىنا كەلىپ جەتتى.
وبلىس اكىمىنىڭ تاپسىرماسىنا سايكەس، تۇرعىندار
1. اقدالا بۇرىلىسى
2. 41 رازەزد
3. ۆودوزوبور باعىتىندا لاگەرلەرگە ورنالاستىرىلادى.
اتالعان ءۇش باعىت بويىنشا اسكەري كولىكتەر، كامازدار مەن ارنايى جاساق جۇمىلدىرىلۋدا.
لاگەر باسىندا تۇرعىنداردى اۋدان اكىمدەرى قارسى الىپ، جايعاستىرادى.
الەۋمەتتىك نىسانداردى (اۋرۋحانا، بالالار) پوليسيا قىزمەتكەرلەرى كوشىرۋدە.
قازىرگى تاڭدا كوپتەپ تاراپ جاتقان "بوگەن" سۋ قويماسىنان كەلەتىن ءقاۋىپ تۋرالى اقپاراتتىڭ جالعان ەكەنىن مالىمدەيمىز.
سونداي-اق، وتىرار مەن ورداباسى اۋداندارىندا 100 ورىندىق ەكى گوسپيتال اشىلدى. قوسىمشا 30 جەدەل مەديسينالىق كولىگى جۇمىس ىستەۋدە.
بۇدان بۇرىن جەلىدە ارىستاعى ءورتتى ءسوندىرۋ ءۇشىن بوگەن سۋ قويماسىن تومەنگە قاراي اعىزىپ جىبەرەدى دەگەن اقپارات تاراعان.
شىمكەنت قالاسىنىڭ توتەنشە جاعدايلار كوميتەتىنىڭ ماماندارى اتالعان حابارلامانىڭ شىندىققا جاناسپايتىنىن اتاپ ءوتتى.
ۆەدومستۆونىڭ مالىمەتىنشە، ءتيىستى شەشىمدى تۇركىستان وبلىسى اكىمى قابىلداۋى ءتيىس. بۇل جاعدايدىڭ الداعى ۋاقىتتا قالاي وربيتىندىگىنە بايلانىستى بولادى.
ماماندار قازىرگى ۋاقىتتا سۋدى جىبەرۋ تۋرالى نۇسقاۋلار تۇسپەگەنىن العا تارتتى.
تۇركىستان وبلىسى اكىمىنىڭ كومەكشىسى اتالعان جاعداي باقىلاۋدا ەكەنىن جەتكىزدى.
"قازىرگى ۋاقىتتا ارىس ماڭىنداعى بوگەن سۋ قويماسىنىڭ بۇزىلۋ قاۋىپتىلىگى جوق"، - دەپ جازدى ول Facebook جەلىسىندەگى پاراقشاسىندا.
https://youtu.be/oUdd2UyQznI
