Qoǵamdyq oı-pikir, usynys jáne kópshilik suraqtaryna jaýap berýge arnalǵan jıyndy qalalyq Qoǵamdyq keńes tóraǵasy J.Dostanov ashyp, júrgizip otyrdy.
Ótken jyly Arys qalasynda negizgi kapıtalǵa tartylǵan jalpy ınvestısıa kólemi 5 mlrd. 831 mln. teńgege jetkeni bolatyn. Bıyl qalada ónerkásip, shaǵyn jáne orta kásipkerlik, týrızm jáne aýylsharýashylyǵy salalarynda iske asyrylatyn jobalardyń esebinen 2018 jyly búdjettik emes ınvestısıa kólemi 2 mlrd. 864 mln. teńgeni qurady. «Bıznestiń jol kartasy – 2020» bıznesti qoldaý men damytýdyń biryńǵaı baǵdarlamasy aıasynda 3 jobaǵa qoldaý kórsetildi. Bıyl atalǵan baǵdarlama aıasynda 7 jobaǵa qoldaý kórsetilip, onyń 3-i sýbsıdıalaý, 2-i kepildendirý, 1 grant, 1 ınfraqurylym boıynsha júzege asty.
Sonymen qatar, ótken jyly óńirdegi aýyl sharýashylyq óniminiń kólemi 13 mlrd. 142 mln. teńgeni qurap, naqty kólem ındeksi 110,6 paıyzǵa jetken. Sondaı-aq, byltyr jylyjaı alańy 3,1 gektarǵa artsa, aǵymdaǵy jyly 6 gektarǵa jylyjaı salý josparlanýda.
Keńes otyrysynda Aýyl sharýashylyǵy jáne jer qatynastary bóliminiń, Orman sharýashylyǵy mekemesiniń jáne «Jastar resýrstyq ortalyǵy» KMM-niń 2018 jyldyń 10 aıynda atqarǵan jumystary týraly, Baıyrqum, Jıdeli, Aqdala aýyldyq okrýgteriniń 2018 jyldyń 10 aıynda atqarǵan jumystarynyń esebi boıynsha baıandamalary tyńdalyp, talqylandy.
Jıyn sońynda Qoǵamdyq keńes músheleri tarapynan baıandamashylarǵa suraqtar qoıylyp, usynystar berilip, olardyń oryndalýy baqylaýǵa qoıyldy.
Arys qalasy ákiminiń baspasóz qyzmeti
