بۇگىن ارىس قالاسىنداعى كاسىپكەرلىك مەكتەبىنىڭ ءماجىلىس زالىندا ارىس قالالىق قوعامدىق كەڭەستىڭ كەزەكتى جيىنى ءوتتى.

قوعامدىق وي-پىكىر، ۇسىنىس جانە كوپشىلىك سۇراقتارىنا جاۋاپ بەرۋگە ارنالعان جيىندى قالالىق قوعامدىق كەڭەس ءتوراعاسى ج.دوستانوۆ اشىپ، جۇرگىزىپ وتىردى.

وتكەن جىلى ارىس قالاسىندا نەگىزگى كاپيتالعا تارتىلعان جالپى ينۆەستيسيا كولەمى 5 ملرد. 831 ملن. تەڭگەگە جەتكەنى بولاتىن. بيىل قالادا ونەركاسىپ، شاعىن جانە ورتا كاسىپكەرلىك، تۋريزم جانە اۋىلشارۋاشىلىعى سالالارىندا ىسكە اسىرىلاتىن جوبالاردىڭ ەسەبىنەن 2018 جىلى بيۋدجەتتىك ەمەس ينۆەستيسيا كولەمى 2 ملرد. 864 ملن. تەڭگەنى قۇرادى. «بيزنەستىڭ جول كارتاسى – 2020» بيزنەستى قولداۋ مەن دامىتۋدىڭ ءبىرىڭعاي باعدارلاماسى اياسىندا 3 جوباعا قولداۋ كورسەتىلدى. بيىل اتالعان باعدارلاما اياسىندا 7 جوباعا قولداۋ كورسەتىلىپ، ونىڭ 3ء-ى سۋبسيديالاۋ، 2ء-ى كەپىلدەندىرۋ، 1 گرانت، 1 ينفراقۇرىلىم بويىنشا جۇزەگە استى.

سونىمەن قاتار، وتكەن جىلى وڭىردەگى اۋىل شارۋاشىلىق ءونىمىنىڭ كولەمى 13 ملرد. 142 ملن. تەڭگەنى قۇراپ، ناقتى كولەم يندەكسى 110،6 پايىزعا جەتكەن. سونداي-اق، بىلتىر جىلىجاي الاڭى 3،1 گەكتارعا ارتسا، اعىمداعى جىلى 6 گەكتارعا جىلىجاي سالۋ جوسپارلانۋدا.

كەڭەس وتىرىسىندا اۋىل شارۋاشىلىعى جانە جەر قاتىناستارى ءبولىمىنىڭ، ورمان شارۋاشىلىعى مەكەمەسىنىڭ جانە «جاستار رەسۋرستىق ورتالىعى» كمم-نىڭ 2018 جىلدىڭ 10 ايىندا اتقارعان جۇمىستارى تۋرالى، بايىرقۇم، جيدەلى، اقدالا اۋىلدىق وكرۋگتەرىنىڭ 2018 جىلدىڭ 10 ايىندا اتقارعان جۇمىستارىنىڭ ەسەبى بويىنشا باياندامالارى تىڭدالىپ، تالقىلاندى.

جيىن سوڭىندا قوعامدىق كەڭەس مۇشەلەرى تاراپىنان بايانداماشىلارعا سۇراقتار قويىلىپ، ۇسىنىستار بەرىلىپ، ولاردىڭ ورىندالۋى باقىلاۋعا قويىلدى.

 

ارىس قالاسى اكىمىنىڭ باسپا ءسوز قىزمەتى