Sinoptikter 10 qazanda Qazaqstannyń jeti qalasynda aýanyń lastanýyna qolaily meteorologiialyq jaǵdai qalyptasatynyn eskertti, dep habarlaidy dalanews.kz.
Mamandardyń málimetinshe, qolaisyz meteorologiialyq jaǵdailar Almaty, Astana, Atyraý, Aqtóbe, Temirtaý jáne Qaraǵandy qalalarynda kútiledi. Al túnde Jezqazǵanda da osyndai jaǵdai bolýy múmkin.
Qolaisyz meteorologiialyq jaǵdailar degenimiz – jelsizdik, baiaý jel, tuman jáne temperatýralyq inversiia siiaqty aýadaǵy ziiandy zattardyń jerge jaqyn qabatta jinalýyna yqpal etetin faktorlardyń jiyntyǵy.
Sinoptikterdiń túsindirýinshe, mundai kezde eldi mekenderdegi atmosferalyq aýanyń sapasy nasharlaýy múmkin. Aýanyń lastaný deńgeiine jeldiń baǵyty men jyldamdyǵy, jaýyn-shashyn, ylǵaldylyq jáne aýa temperatýrasy siiaqty faktorlar áser etedi.
Osyǵan bailanysty mamandar turǵyndarǵa qolaisyz meteorologiialyq jaǵdai kezinde kóshede uzaq ýaqyt júrmeýge keńes beredi.
