Arysqa gaz keletin kún jaqyn
Túrkistan oblysy, Temirlan eldi mekeninen Arys qalasyna deiin joǵarǵy qysymdy magistraldyq gaz qubyry tartylǵany belgili.
Búgin osy qubyrdy Arys qalasynyń negizgi gaz qubyryna qosý sharasyna orai saltanatty jiyn ótti. Jiynda Arys qalasynyń ákimi Murat Qadyrbek turǵyndardy «kógildir otynmen» qamtý máselesi únemi basty nazarda turǵanyn atap ótti.
– El Prezidenti Nursultan Nazarbaevtyń «Prezidenttiń 5 áleýmettik bastamasy» atty Úndeýindegi 5-shi bastamasyna sáikes, qalaǵa gaz qubyryn tartý shaharymyz úshin asa mańyzdy ári kópten kútken tarihi oqiǵa. Elbasymyzdyń bastamasymen oblysymyzdyń qalalary men aýdandaryn gazben tolyq qamtamasyz etý úshin «Beineý – Bozoi – Aqbulaq» magistraldy gaz qubyry tartyldy. Osy qubyrdan Arys qalasyna da gaz jetkiziledi, – dedi qala ákimi.
Arys qalasyn «kógildir otynmen» qamtamasyz etý 3 kezeńnen turady. Iaǵni, 2018-2025 jyldar aralyǵynda tiisti jumystar júrgizilip, arystyqtar tabiǵi gazben tolyq qamtylady degen jospar bar.
Túrkistan oblysy ákiminiń baspasóz qyzmeti
