بۇگىن وسى قۇبىردى ارىس قالاسىنىڭ نەگىزگى گاز قۇبىرىنا قوسۋ شاراسىنا وراي سالتاناتتى جيىن ءوتتى. جيىندا ارىس قالاسىنىڭ اكىمى مۇرات قادىربەك تۇرعىنداردى «كوگىلدىر وتىنمەن» قامتۋ ماسەلەسى ۇنەمى باستى نازاردا تۇرعانىن اتاپ ءوتتى.
– ەل پرەزيدەنتى نۇرسۇلتان نازاربايەۆتىڭ «پرەزيدەنتتىڭ 5 الەۋمەتتىك باستاماسى» اتتى ۇندەۋىندەگى 5ء-شى باستاماسىنا سايكەس، قالاعا گاز قۇبىرىن تارتۋ شاھارىمىز ءۇشىن اسا ماڭىزدى ءارى كوپتەن كۇتكەن تاريحي وقيعا. ەلباسىمىزدىڭ باستاماسىمەن وبلىسىمىزدىڭ قالالارى مەن اۋداندارىن گازبەن تولىق قامتاماسىز ەتۋ ءۇشىن «بەينەۋ – بوزوي – اقبۇلاق» ماگيسترالدى گاز قۇبىرى تارتىلدى. وسى قۇبىردان ارىس قالاسىنا دا گاز جەتكىزىلەدى، – دەدى قالا اكىمى.
ارىس قالاسىن «كوگىلدىر وتىنمەن» قامتاماسىز ەتۋ 3 كەزەڭنەن تۇرادى. ياعني، 2018-2025 جىلدار ارالىعىندا ءتيىستى جۇمىستار جۇرگىزىلىپ، ارىستىقتار تابيعي گازبەن تولىق قامتىلادى دەگەن جوسپار بار.
تۇركىستان وبلىسى اكىمىنىڭ باسپا ءسوز قىزمەتى
