Oblys ákimi Janseiit Túimebaevtyń arnaiy tapsyrmasyna sáikes, halyqqa mádeni, rýhani, dini turǵyda túsindirý jumystaryn júrgizetin osynaý jiynda Arys qalasy ákiminiń orynbasary Rysdáýlet Aitbaev qaladaǵy dini ahýaldyń turaqty ekendigin aitty.
"Dástúrli qundylyqtarǵa qart adamdardyń jas otbasyǵa bergen aqyl-keńesteri jatady. Ár otbasyda bul qundylyqtar ár túrli. Olardyń uqsas jaqtary da bar. Kez kelgen otbasyda dindi saqtap, nekeni buzbaý, urpaq jalǵastyryp, bala tárbieleý syndy ortaq dástúrli otbasylyq qundylyqtar qalyptasqan. Árbir otbasynyń basty maqsaty baqytty ǵumyr keshý bolyp tabylady. Baqytty otbasyn qurý birinshi kezekte jas jubailardyń tárbiesine tikelei bailanysty.
«Balapan uiasynda ne kórse, ushqanda sony iledi» dep qazaq halqy otbasy tərbiesine airyqsha mən bergen. Memlekettiń basty mindeti men maqsaty da osy dástúrli qundylyqtarymyzdy saqtap, óskeleń urpaqqa izgilik jolyn dəripteý.
Sol mindetimizdi oryndaý maqsatynda atalǵan kerýendi uiymdastyryp, pikir almasýǵa kelip otyrǵan azamattarǵa alǵysymdy bildiremin", - dedi qala ákiminiń orynbasary.
Jergilikti halyqpen kezdesýde Túrkistan oblysy din isteri basqarmasy «Din máselelerin zertteý ortalyǵy» MKM-niń direktorynyń orynbasary Mədi Besbaev, Túrkistan oblysy din isteri basqarmasy, «Din máselelerin zertteý ortalyǵy» memlekettik kommýnaldyq mekemesiniń bólim basshysy Dálelhan Ospanov, Oblystyq mádeniet jáne tilderdi damytý basqarmasy, Halyq shyǵarmashylyǵy ortalyǵynyń bólim basshysy Sholpan Mamythanova, Arys qalasynyń «Yrys aldy-yntymaq» qoǵamdyq forýmynyń hatshysy, kásibi emes mediator, qalanyń qurmetti azamaty Qonys Balqybekov, qalalyq Janar Baiǵýttieva atyndaǵy óner mektebi direktorynyń orynbasary Temirhan Ábdikovter sóz alyp, basqosýdyń mańyzdylyǵyna toqtaldy. Jiynǵa qatysýshylar tarapynan baiandamashylarǵa suraqtar qoiylyp, tushymdy jaýaptar alyndy.
Qarasha aiynyń 19-nan bastaý alǵan shara 29 qarashaǵa deiin jalǵasty.
