Sharaǵa elge tanymal sportshy Ardaq Nazarov. Almaty oblysy sport basqarmasynyń basshysy Nurbaqyt Teńizbaev, Taldyqorǵan qalasy ákimi apparatynyń ádep jónindegi ýákiletti ókili Ashat Tákebaev qatysty.
Kezdesý barysynda kásipqoı boksshy, pankratıonnan álemniń úsh dúrkin chempıony, Azıanyń absolútti chempıony Ardaq Nazarov ǵıbratty áńgimesin aıtyp, memlekettik qyzmetkerlerdi halyqtyń aqshasyna qol suqpaýǵa, halyqtyń ıgiligi úshin abyroıly eńbek etýge shaqyrdy.
Ardaq Nazarov kez kelgen jarysta tabysqa jetýdiń kepili – tynymsyz eńbek ekenine senimdi. Sportshy salaýatty ómir saltyna kóp kóńilý kerektigin eske salyp, jınalǵandardy óz densaýlyqtaryn kútýge shaqyrdy.
Ol tek etıkalyq taqyryptardy ǵana emes, tárbıe men otbasyn qurý salasyn da qozǵady. Sondaı-aq, ol memlekettik qyzmetkerlerdi qaıyrymdylyq istermen belsendi aınalysýǵa shaqyrdy.
Aıta keteıik, mundaı is-sharalar Taldyqorǵan qalasy ákimi apparatynyń ádep jónindegi ýákiliniń bastamasymen ótkizilýde.
– Ádep jónindegi ýákil retinde biz turaqty negizde memlekettik qyzmetshilerdiń belgili zıaly qaýym ókilderimen, sportshylarmen, oblystardyń qurmetti azamattarymen erkin kezdesý formatynda kezdesýlerin ótkizip, memlekettegi ózekti máselelerdi, tendensıalardy talqylaımyz. Bul jumys jalǵasyn tabady, – dedi Ashat Tákebaev.
Nurbaqyt Teńizbaevtyń aıtýynsha, ujymda jaǵymdy moraldyq-psıhologıalyq ahýaldy qalyptastyrý óte mańyzdy.
Óz kezeginde memlekettik qyzmetkerler de belsendilik tanytyp, suraqtar qoıyp, rýhanı turǵyda bir serpildi.
Shara sońynda barlyq etıkalyq normalardy ustanyp, qyzmette jaqsy jetistikterge jetken memlekettik qyzmetshiler marapattaldy.
