شاراعا ەلگە تانىمال سپورتشى ارداق نازاروۆ. الماتى وبلىسى سپورت باسقارماسىنىڭ باسشىسى نۇرباقىت تەڭىزبايەۆ، تالدىقورعان قالاسى اكىمى اپپاراتىنىڭ ادەپ جونىندەگى ۋاكىلەتتى وكىلى اسحات تاكەبايەۆ قاتىستى.
كەزدەسۋ بارىسىندا كاسىپقوي بوكسشى، پانكراتيوننان الەمنىڭ ءۇش دۇركىن چەمپيونى، ازيانىڭ ءابسوليۋتتى چەمپيونى ارداق نازاروۆ عيبراتتى اڭگىمەسىن ايتىپ، مەملەكەتتىك قىزمەتكەرلەردى حالىقتىڭ اقشاسىنا قول سۇقپاۋعا، حالىقتىڭ يگىلىگى ءۇشىن ابىرويلى ەڭبەك ەتۋگە شاقىردى.
ارداق نازاروۆ كەز كەلگەن جارىستا تابىسقا جەتۋدىڭ كەپىلى – تىنىمسىز ەڭبەك ەكەنىنە سەنىمدى. سپورتشى سالاۋاتتى ءومىر سالتىنا كوپ كوڭىلۋ كەرەكتىگىن ەسكە سالىپ، جينالعانداردى ءوز دەنساۋلىقتارىن كۇتۋگە شاقىردى.
ول تەك ەتيكالىق تاقىرىپتاردى عانا ەمەس، تاربيە مەن وتباسىن قۇرۋ سالاسىن دا قوزعادى. سونداي-اق، ول مەملەكەتتىك قىزمەتكەرلەردى قايىرىمدىلىق ىستەرمەن بەلسەندى اينالىسۋعا شاقىردى.
ايتا كەتەيىك، مۇنداي ءىس-شارالار تالدىقورعان قالاسى اكىمى اپپاراتىنىڭ ادەپ جونىندەگى ۋاكىلىنىڭ باستاماسىمەن وتكىزىلۋدە.
– ادەپ جونىندەگى ۋاكىل رەتىندە ءبىز تۇراقتى نەگىزدە مەملەكەتتىك قىزمەتشىلەردىڭ بەلگىلى زيالى قاۋىم وكىلدەرىمەن، سپورتشىلارمەن، وبلىستاردىڭ قۇرمەتتى ازاماتتارىمەن ەركىن كەزدەسۋ فورماتىندا كەزدەسۋلەرىن وتكىزىپ، مەملەكەتتەگى وزەكتى ماسەلەلەردى، تەندەنسيالاردى تالقىلايمىز. بۇل جۇمىس جالعاسىن تابادى، – دەدى اسحات تاكەبايەۆ.
نۇرباقىت تەڭىزبايەۆتىڭ ايتۋىنشا، ۇجىمدا جاعىمدى مورالدىق-پسيحولوگيالىق احۋالدى قالىپتاستىرۋ وتە ماڭىزدى.
ءوز كەزەگىندە مەملەكەتتىك قىزمەتكەرلەر دە بەلسەندىلىك تانىتىپ، سۇراقتار قويىپ، رۋحاني تۇرعىدا ءبىر سەرپىلدى.
شارا سوڭىندا بارلىق ەتيكالىق نورمالاردى ۇستانىپ، قىزمەتتە جاقسى جەتىستىكتەرگە جەتكەن مەملەكەتتىك قىزمەتشىلەر ماراپاتتالدى.
