Ardagerlerge arnalǵan eskertkish ashyldy
Elbasy «Bolashaqqa baǵdar: rýhani jańǵyrý» maqalasy aiasynda Túlkibas aýdanynda M.Járimbetov aýylynda respýblikalyq «Ýaqyp» qorynyń tóraǵasy Qairat Orynbaiuly men aýyl turǵyndarynyń uiytqy bolýymen Uly Otan soǵysy, batyr ana jáne tyl eńbekkerlerine arnalǵan eskertkishtiń ashylý rásimi ótti.
Eskertkishtiń ashylý saltanatynda sóz alǵan aýdan ákimi N.Turashbekov aýydannyń 90 jyldyǵyna orai birqatar kieli jerler jańǵyrtylyp, eldi – mekenderde eskertkishter boi kóterip jatqandyǵyn jetkizdi.
– Jyl basynan beri Alǵabas, Rysqul aýyldarynda Uly otan soǵysyna attanǵan jaýyngerler men tyl eńbekkerleri, batyr analardyń esimderi jazylǵan eskertkishter ashylsa, búgin osy aýylda týǵan bir top azamatardyń demeýshiligimen eskertkish boi kóterip otyr. «Ótkendi ulyqtaý – óskendiktiń belgisi» degen qanatty sóz bar. Osyǵan orai soǵys jyldaryna beibit ómir úshin soǵysqan osy aýyldyń 86 ardager atalarymyz ben 96 batyr ana, 214 tyl eńbekkerleriniń esimderi búgingi eskertkishke oiylyp jazylǵan. Kópke úlgi bolarlyq ónegeli is keleshek jas urpaqqa tarih dep bilemin. Óitkeni búgingi eskertkishte jazylǵan asyl azamattar men azamatshalardyń janqiiarlyq erligi men esil eńbegi jas urpaq úshin ónege, – dedi aýdan basshysy.
Shara barysynda eskertkishte esimderi jazylǵan bozdaqtardyń rýhyna quran baǵyshtaldy. Is-shara sońy aýdandyq mádeniet úii qyzmetkerleriniń uiymdastyrýymen kontserttik baǵdarlamamen jalǵasyn tapty.
Túrkistan oblysy ákiminiń baspasóz qyzmeti
