ەسكەرتكىشتىڭ اشىلۋ سالتاناتىندا ءسوز العان اۋدان اكىمى ن.تۇراشبەكوۆ اۋىداننىڭ 90 جىلدىعىنا وراي ءبىرقاتار كيەلى جەرلەر جاڭعىرتىلىپ، ەلدى – مەكەندەردە ەسكەرتكىشتەر بوي كوتەرىپ جاتقاندىعىن جەتكىزدى.
– جىل باسىنان بەرى العاباس، رىسقۇل اۋىلدارىندا ۇلى وتان سوعىسىنا اتتانعان جاۋىنگەرلەر مەن تىل ەڭبەككەرلەرى، باتىر انالاردىڭ ەسىمدەرى جازىلعان ەسكەرتكىشتەر اشىلسا، بۇگىن وسى اۋىلدا تۋعان ءبىر توپ ازاماتاردىڭ دەمەۋشىلىگىمەن ەسكەرتكىش بوي كوتەرىپ وتىر. «وتكەندى ۇلىقتاۋ – وسكەندىكتىڭ بەلگىسى» دەگەن قاناتتى ءسوز بار. وسىعان وراي سوعىس جىلدارىنا بەيبىت ءومىر ءۇشىن سوعىسقان وسى اۋىلدىڭ 86 ارداگەر اتالارىمىز بەن 96 باتىر انا، 214 تىل ەڭبەككەرلەرىنىڭ ەسىمدەرى بۇگىنگى ەسكەرتكىشكە ويىلىپ جازىلعان. كوپكە ۇلگى بولارلىق ونەگەلى ءىس كەلەشەك جاس ۇرپاققا تاريح دەپ بىلەمىن. ويتكەنى بۇگىنگى ەسكەرتكىشتە جازىلعان اسىل ازاماتتار مەن ازاماتشالاردىڭ جانقيارلىق ەرلىگى مەن ەسىل ەڭبەگى جاس ۇرپاق ءۇشىن ونەگە، – دەدى اۋدان باسشىسى.
شارا بارىسىندا ەسكەرتكىشتە ەسىمدەرى جازىلعان بوزداقتاردىڭ رۋحىنا قۇران باعىشتالدى. ءىس-شارا سوڭى اۋداندىق مادەنيەت ءۇيى قىزمەتكەرلەرىنىڭ ۇيىمداستىرۋىمەن كونسەرتتىك باعدارلامامەن جالعاسىن تاپتى.
تۇركىستان وبلىسى اكىمىنىڭ باسپا ءسوز قىزمەتى
