Kirispe sózinde mundaı mańyzdy jıyndy Taldyqorǵanda ótkizgenderi úshin uıymdastyrýshylarǵa rızashylyǵyn jetkize otyryp, oblys ákimi Amandyq Batalov óńirdiń áleýmettik-ekonomıkalyq damýy, aımaqta ardagerlerdi qoldaý baǵytynda atqaralyp jatqan sharalar týraly qysqasha baıandap berdi.
- Jalpy óńirdiń áleýmettik-ekonomıkalyq damýynda oń serpin bar. Bul oraıda elimizdiń damýy jolynda bilek túre eńbek etken bizdiń aldyńǵy býyn aǵalardyń úlesin erekshe atap ótý kerek. Búgingi kúni oblystyq ardagerler uıymynda 215 myńnan astam adam bar. Biz olardyń árqaısysynyń eńbegin erekshe baǵalaımyz. Qurmetti demalysqa shyqsa da, búginge deıin jıǵan mol bilimimen, tolymdy tájirıbelerimen bólisip,qoǵamnyńdamýyna, jas urpaqty tárbıeleýge belsene atsalysyp keledi. «Atalar sózi – aqyldyń kózi», - dep halyq beker aıtpaǵan. Bul sózdiń, ásirese, «Rýhanı jańǵyrý» baǵdarlamasyndaǵy mindetterdi júzege asyrý barysynda qundylyǵy arta tústi. Qoǵamdyq sanany jańǵyrtýda búgingi urpaq qarıalarymyzdyń danalyǵyna súıenýi tıis. Biz de óz tarapymyzdan ardaqty ardagerlerimizge barlyq qajetti jaǵdaılardy jasaýǵa tyrysamyz. Búgingi shara ardagerler uıymdarynyń kóptegen máseleleriniń sheshilýine, jańa tıimdi jobalardyń bastalýyna yqpal etedi dep oılaımyn, - dedi A. Batalov.
Semınar-keńesti respýblıkalyq ardagerler keńesiniń tóraǵasy, Qazaqstan Respýblıkasy Parlamenti Májilisiniń depýtaty Baqtyqoja İzmuhanbetov ashyp, oblys basshylyǵyna Ardagerler keńesimen ózara tyǵyz áriptestik baılanystary úshin rızashylyǵyn bildirdi.
- Búgingi sharanyń basty maqsattarynyń biri – Elbasynyń baǵdarlamalyq maqalasyna oraı «Rýhanı jańǵyrý» baǵdarlamasyn júzege asyrý aıasynda ózara tájirıbe almasý. Bul baǵytta bizdiń árqaısymyzdyń qosar úlesimiz mańyzdy, - dedi B. İzmuhanbetov.
Jıyn barysynda atalǵan baǵdarlama negizinde atqarylǵan jumystar týraly Almaty, Mańǵystaý, Qyzylorda, Jambyl oblystarynyń jáne Almaty qalasynyń ardagerler uıymdarynyń basshylary baıandama jasady. Ardagerler uıymdarynyń qyzmeti, olardyń jumysyn odan ári jetildirý máleleri talqylandy, aqsaqaldar ózara pikir almasty.
Osy kezdesýde oblys basshysy A. Batalov memleket jáne qoǵam qaıratkeri Seıilbek Shaýhamanovqa Almaty oblysynyń Qurmetti azamaty ataǵy berilgenin jarıalap, ardagerge marapat tapsyrdy.
Óz kezeginde respýblıkalyq ardagerler keńesiniń tóraǵasy B. İzmuhanbetov Amandyq Batalovqa Ortalyq keńestiń «Qurmet belgisin», birqatar jetisýlyq ardagerlerge Qurmet gramotasy men alǵys hattar tabystady. Sonymen qatar Atyraý oblysynyń ardagerler uıymy óz tarapynan áriptesterine Uly Otan soǵysyndaǵydańqty ushqysh, «Halyq qaharmany» Hıýaz Dospanovanyń qurmetine daıyndalǵan «Hıýaz» medalin usyndy.
Jalpy ardagerlerdiń Almaty oblysyna sapary ardagerler arasynda voleıboldan ótetin «Jetisý kýbogy» Halyqaralyq týrnıriniń saltanatty ashylýyn tamashalaýmen jalǵasty.
Eske salsaq, búgin jáne respýblıkalyq semınar-keńes qarsańynda aqsaqaldar Taldyqorǵan qalasynyń kórnekti oryndarymen ǵımarattarynda bolyp, jumystarymen tanysty. Atap aıtqanda, Qaratal ózeniniń jaǵalaýynda, «Jastar» saıabaǵynda, Jýrnalıser úıinde, Oqýshylar saraıynda, Jastarǵa qyzmet kórsetý ortalyǵynda bolyp, Kórme pavılony men Saltanat saraıyn, ortalyq alańdaǵy skverde ornatylǵan Elbasy músinin kórdi.
