Aramyzda áli kúnge deiin Keńes úkimetin ańsaityndar bar
– Egemendigimizge 25 jyl boldy ǵoi. Biraq, ókinishke orai, áli de bolsa aramyzda baiaǵy sovet úkimetin ańsaityndar bar. Endi sol sovet úkimetinde ómir súrgen adamdardyń birimin ǵoi. Shynymen de, qudaidyń kámpitin bala kezimizde sheshemiz tyǵyp qoiyp, bizderge bermeitin. Óitkeni kámpit joq, tapshy bolatyn. Anamyz «erteń qonaq keledi, dastarhanǵa qoiamyz» dep, alyp qoiatyn, – dep eske aldy balalyq shaǵyn oblys basshysy.
Berdibek Saparbaev uialy telefondar týraly alǵash bilgen kezi týraly da aityp berdi.
«Buryn shetelge shyqqanda tańqalatynbyz. Árbir kólik júrgizýshisine deiin uialy telefon ustap alǵan. Qazir báriniń qolynda mundai telefon bar», – dep jalǵastyrdy sózin óńir basshysy.
Onyń paiymynsha, árbir qazaqstandyq eń aldymen óziniń ultynyń, memleketiniń patrioty bolýy kerek.
– Eger joq dep otyra berseń, eshkim saǵan ákelip bermeidi. Búginde «Týǵan elge taǵzym» degen aktsiia ótkizip kelemiz. Ondaǵy maqsatymyz keibir aýylda turyp, sol jerde bilim alyp, tárbie alyp, sonyń barlyǵyn umytyp ketken adamdardy qaitarý, esine salý. «Ei, aǵaiyndar, sender kimniń arqasynda, qai jerdiń arqasynda osyndai bastyq boldyńyzdar, kásipker boldyńyzdar dep, olardyń esterine salyp otyrý kerek, – deidi Berdibek Saparbaev.
Aita keteiik, «Týǵan jerge taǵzym» aktsiiasy aiasynda kásipkerler týǵan ólkelerine mektep, balabaqsha, jol, t.b. salyp berip jatyr. Sonymen birge, materialdyq turǵyda kómek kórsetedi.
Bekbol Quldan,
