ارامىزدا ەلٸ كٷنگە دەيٸن كەڭەس ٷكٸمەتٸن اڭسايتىندار بار
– ەگەمەندٸگٸمٸزگە 25 جىل بولدى عوي. بٸراق, ٶكٸنٸشكە وراي, ەلٸ دە بولسا ارامىزدا باياعى سوۆەت ٷكٸمەتٸن اڭسايتىندار بار. ەندٸ سول سوۆەت ٷكٸمەتٸندە ٶمٸر سٷرگەن ادامداردىڭ بٸرٸمٸن عوي. شىنىمەن دە, قۇدايدىڭ كەمپيتٸن بالا كەزٸمٸزدە شەشەمٸز تىعىپ قويىپ, بٸزدەرگە بەرمەيتٸن. ٶيتكەنٸ كەمپيت جوق, تاپشى بولاتىن. انامىز «ەرتەڭ قوناق كەلەدٸ, داستارحانعا قويامىز» دەپ, الىپ قوياتىن, – دەپ ەسكە الدى بالالىق شاعىن وبلىس باسشىسى.
بەردٸبەك ساپارباەۆ ۇيالى تەلەفوندار تۋرالى العاش بٸلگەن كەزٸ تۋرالى دا ايتىپ بەردٸ.
«بۇرىن شەتەلگە شىققاندا تاڭقالاتىنبىز. ەربٸر كٶلٸك جٷرگٸزۋشٸسٸنە دەيٸن ۇيالى تەلەفون ۇستاپ العان. قازٸر بەرٸنٸڭ قولىندا مۇنداي تەلەفون بار», – دەپ جالعاستىردى سٶزٸن ٶڭٸر باسشىسى.
ونىڭ پايىمىنشا, ەربٸر قازاقستاندىق ەڭ الدىمەن ٶزٸنٸڭ ۇلتىنىڭ, مەملەكەتٸنٸڭ پاتريوتى بولۋى كەرەك.
– ەگەر جوق دەپ وتىرا بەرسەڭ, ەشكٸم ساعان ەكەلٸپ بەرمەيدٸ. بٷگٸندە «تۋعان ەلگە تاعزىم» دەگەن اكتسييا ٶتكٸزٸپ كەلەمٸز. ونداعى ماقساتىمىز كەيبٸر اۋىلدا تۇرىپ, سول جەردە بٸلٸم الىپ, تەربيە الىپ, سونىڭ بارلىعىن ۇمىتىپ كەتكەن ادامداردى قايتارۋ, ەسٸنە سالۋ. «ەي, اعايىندار, سەندەر كٸمنٸڭ ارقاسىندا, قاي جەردٸڭ ارقاسىندا وسىنداي باستىق بولدىڭىزدار, كەسٸپكەر بولدىڭىزدار دەپ, ولاردىڭ ەستەرٸنە سالىپ وتىرۋ كەرەك, – دەيدٸ بەردٸبەك ساپارباەۆ.
ايتا كەتەيٸك, «تۋعان جەرگە تاعزىم» اكتسيياسى اياسىندا كەسٸپكەرلەر تۋعان ٶلكەلەرٸنە مەكتەپ, بالاباقشا, جول, ت.ب. سالىپ بەرٸپ جاتىر. سونىمەن بٸرگە, ماتەريالدىق تۇرعىدا كٶمەك كٶرسەتەدٸ.
بەكبول قۇلدان,
