QR Aýyl sharýashylyǵy ministri Aidarbek Saparov Aral aýdanyndaǵy qaýipti ziiankesterge qarsy himiialyq óńdeý jumystarymen tanysyp, jedel shtab otyrysyna qatysty, – dep habarlaidy Dalanews.kz
«Qyzylorda oblysy boiynsha 60 myń gektar aýmaq zertteldi. Onyń 18 myń gektaryn himiialyq óńdeý qajet. Qazirgi tańda 11 700 gektar jer óńdeldi. Bul jumystyń barynsha tez aiaqtalýyn jáne sapaly oryndalýyn jeke baqylaýymda ustaimyn», – dedi ministr.
Mamyrdyń 26-syndaǵy jaǵdai boiynsha, oblysta úiirli shegirtkege qarsy kúres júrgizilýde.
Josparlanǵan 19,654 myń gektardyń 11,706 myń gektary óńdelip úlgerdi. Ziiankesterge qarsy kúreske 4 jeńil ushaq, 2 asa jeńil ushaq, 12 jerústi agregat, 5 dron jáne 45 arqaǵa asylatyn búrikkish qural qoldanylýda. Óńdeýge jatatyn boljamdy jalpy aýmaq 60,024 myń gektardy quraidy. Josparlanǵan alańdar boiynsha jetkizýshi uiymdarmen kelisim-shart jasalǵan.
Úilestirý jumystaryn júrgizý úshin oblys ákiminiń orynbasary Bahyt Jahanov basqaratyn jedel shtab quryldy. Mundai shtabtar barlyq aýdanda jumys isteidi. Jergilikti jerlerde monitoring pen baqylaýǵa 279 maman tartylǵan. Búgingi kúnge deiin 474,1 myń gektar jer zerttelip, úiirli shegirtkeniń dernásilderi anyqtaldy. Degenmen, aýyl sharýashylyǵy daqyldaryna ziian kelgeni tirkelgen joq.
Eske salaiyq, buǵan deiin áleýmettik jelide Aral aýdany Qaraqum aýyldyq okrýgin shegirtke qaptaǵany jaily video jariialandy. Videoda shegirtke sherýiniń biraz aýmaqty basyp alǵany anyq baiqalady.
