ق ر اۋىل شارۋاشىلىعى ءمينيسترى ايداربەك ساپاروۆ ارال اۋدانىنداعى ءقاۋىپتى زيانكەستەرگە قارسى حيميالىق وڭدەۋ جۇمىستارىمەن تانىسىپ، جەدەل شتاب وتىرىسىنا قاتىستى، – دەپ حابارلايدى Dalanews.kz
«قىزىلوردا وبلىسى بويىنشا 60 مىڭ گەكتار اۋماق زەرتتەلدى. ونىڭ 18 مىڭ گەكتارىن حيميالىق وڭدەۋ قاجەت. قازىرگى تاڭدا 11 700 گەكتار جەر وڭدەلدى. بۇل جۇمىستىڭ بارىنشا تەز اياقتالۋىن جانە ساپالى ورىندالۋىن جەكە باقىلاۋىمدا ۇستايمىن»، – دەدى مينيستر.
مامىردىڭ 26-سىنداعى جاعداي بويىنشا، وبلىستا ءۇيىرلى شەگىرتكەگە قارسى كۇرەس جۇرگىزىلۋدە.
جوسپارلانعان 19،654 مىڭ گەكتاردىڭ 11،706 مىڭ گەكتارى وڭدەلىپ ۇلگەردى. زيانكەستەرگە قارسى كۇرەسكە 4 جەڭىل ۇشاق، 2 اسا جەڭىل ۇشاق، 12 جەرۇستى اگرەگات، 5 درون جانە 45 ارقاعا اسىلاتىن بۇرىككىش قۇرال قولدانىلۋدا. وڭدەۋگە جاتاتىن بولجامدى جالپى اۋماق 60،024 مىڭ گەكتاردى قۇرايدى. جوسپارلانعان الاڭدار بويىنشا جەتكىزۋشى ۇيىمدارمەن كەلىسىم-شارت جاسالعان.
ۇيلەستىرۋ جۇمىستارىن جۇرگىزۋ ءۇشىن وبلىس اكىمىنىڭ ورىنباسارى باحىت جاحانوۆ باسقاراتىن جەدەل شتاب قۇرىلدى. مۇنداي شتابتار بارلىق اۋداندا جۇمىس ىستەيدى. جەرگىلىكتى جەرلەردە مونيتورينگ پەن باقىلاۋعا 279 مامان تارتىلعان. بۇگىنگى كۇنگە دەيىن 474،1 مىڭ گەكتار جەر زەرتتەلىپ، ءۇيىرلى شەگىرتكەنىڭ دەرناسىلدەرى انىقتالدى. دەگەنمەن، اۋىل شارۋاشىلىعى داقىلدارىنا زيان كەلگەنى تىركەلگەن جوق.
ەسكە سالايىق، بۇعان دەيىن الەۋمەتتىك جەلىدە ارال اۋدانى قاراقۇم اۋىلدىق وكرۋگىن شەگىرتكە قاپتاعانى جايلى ۆيدەو جاريالاندى. ۆيدەودا شەگىرتكە شەرۋىنىڭ ءبىراز اۋماقتى باسىپ العانى انىق بايقالادى.
