Qazaqstanda Aral teńiziniń mańynda paidaly qazbalar óndirýge tyiym salý josparlanyp otyr, dep habarlaidy Dalanews.kz.
Májilis “Jer qoinaýy jáne jer qoinaýyn paidalaný týraly” Kodekske ózgerister engizý jónindegi túzetýlerdi maquldady. Oǵan sáikes, bilik Aral teńizi mańynda paidaly qazbalar óndirýge tyiym salýdy kózdeidi.
Sonymen qatar, zań jobasy kelesi ózgeristerdi qamtidy:
- jerasty sý resýrstaryn retteý jáne paidalaný máselelerin qarastyratyn eki Kodekste biryńǵai terminologiiany qoldaný;
- Qazaqstannyń Kaspii teńizindegi sektorynda kómirsýtekterdi barlaý jáne óndirý operatsiialaryn júrgizýge qoiylǵan tyiymdy alyp tastaý.
Budan bólek, depýtattar Ákimshilik kodekske ózgerister engizý týraly zań jobasyn da maquldady.
Qujat kelesi quqyq buzýshylyqtar úshin jazany qatańdatýdy qarastyrady:
- sýdy zańsyz alý;
- sý nysandarynda, sý qorǵaý aimaqtary men beldeýlerinde ruqsatsyz qurylys júrgizý;
- sý paidalaný sharttary men rejimin buzý;
- sý nysandarynyń arnasyn nemese shekarasyn zańsyz ózgertý.
“Aiyppul mólsherin arttyrýdy oryndy dep sanaimyz, sebebi qazirgi kólemi zań talaptaryn oryndaýǵa jetkilikti yntalandyrmaidy. Qazir aiyppul tólegen áldeqaida arzanǵa túsedi, al zańdy saqtaýǵa qarjy bólý tiimsiz bolyp otyr”, – dedi depýtat Pavel Kazantsev.
