Qyzylorda oblysy ákimi Nurlybek Nálibaev Aralǵa jumys sapary kezinde kópbeiindi aýdandyq ortalyq aýrýhana ǵimaratyn jańǵyrtý jumystarymen, «Aýylda densaýlyq saqtaýdy jańǵyrtý» ulttyq jobasy aiasynda qolǵa alynǵan japsarjai qurylysymen tanysty.
Aýrýhana ǵimaratyn «SMP Qyzylorda» seriktestigi qaita jańǵyrtýda. Bas jobalaýshysy «Meken jáne Kompaniia» , al tehnikalyq qadaǵalaýdy «Sheber Qurylysshy» seriktestigi qamtamasyz etedi.
Eki qabatty ǵimaratta 21 tósektik insýlt, 21 tósektik kardiologiia bólimi, sondai-aq MRT jáne KT kabinetteri qarastyrylǵan. Bul bólimsheler turǵyndarǵa sapaly jáne jedel meditsinalyq kómek kórsetýge múmkindik beredi. Qazir nysannyń qabyrǵasy qalanýda. Qurylys sáýir aiynda bastalǵan. Jospar boiynsha 8 aida aiaqtalýy tiis.
Ári qarai oblys ákimi japsarjaidaǵy jumys qarqynyn kórdi. Qurylys «Iman» JShS merdigerligimen, «BS Stroi Holding» JShS jobalaýymen, «SK Energo-OIL» seriktestiginiń tehnikalyq qadaǵalaýymen júrgizilýde. Qyrkúiek aiynyń sońyna deiin paidalanýǵa berilmek. Ǵimarat 25 tósektik infektsiialyq bólimshege arnalǵan. Munda juqpaly aýrý juqtyrǵan naýqastardy oqshaýlap emdeýge barlyq jaǵdai jasalady.
Búginde irgetasy quiylýda, jumys barysy kestege sai.
