Arab álemi bizdi Reseıden qorǵamaq túgili, áýeli ózderin qarańǵylyqtan qutaryp alsynshy. Bizge qazaqtyń ǵylym-bilimin damyta otyryp, kóshpeli dástúrdegi tegi bir (arǵy babalarymyz ortaq), dili jaqyn (tildiń ózi shartty jaǵdaı) eldermen saıası qarym-qatynasymyzdy nyǵaıtýymyz qajet.
Ózge alpaýyttardyń bodaýyndaǵy eń jaqyn halyqtarmen mádenı baılanysty arttyrý kerek. Olar kún sanap jutylyp ketýdiń aldynda tur. Mysaly, altaılyqtar óz balalarynyń tek orys ertegilerimen ósip kele jatqanyn aıtyp muńdaryn shaǵady. Olarǵa biz qazaq tilindegi ortaq tarıhı materıaldardy usyna bilsek, tegi bólek shyǵarmadan kóri ózegi ortaq bizdiń shyǵarmalardy qup kóreri anyq. Mádenı aptalyqtar, túrli sharalar kerek-aq. Bizden úmit kútip, eleńdeıtin týystardyń bar ekenin umytpaıyq.
Arman Áýbákir
(jazba avtordyń Feısbýktaǵy paraqshasynan alyndy)
