Pavel Aleksandrov esimdi ekolog elge ákelinetin ár smartfon úshin jeke kompaniiaǵa shamamen 4000 teńgeden tólem jasalatynyn anyqtady dep jazady Dalanews.kz Aqjaiyq portalyna siltep.
Atalǵan tólemniń memlekettik biýdjetke emes, jeke menshik kásiporynnyń qorjynyna quiylatyny jurttyń narazylyǵyn týdyryp otyr.
2025 jyldyń kókteminen bastap, Qazaqstanda smartfondardyń IMEI-kodtaryn tirkeý júiesi engizildi. Osyǵan bailanysty tsifrlyq damý, innovatsiialar jáne aeroǵarysh ónerkásibi ministrligi eldegi smartfondardy «aq», «sur» jáne «qara» tizimge bólgen edi.
Abonenttik qurylǵylardy baqylaý men identifikatsiialaýdyń arnaiy aqparattyq júiesi ashylyp, onda árbir azamat aiyna eki smartfon men eki planshetti tegin tirkei alady. Al zańdy tulǵalarǵa bulai isteý tegin emes – árbir qurylǵy úshin shamamen 4000 teńgeden tóleýge mindettelgen.
Qazaqstanǵa jylyna orta eseppen 4 mln-ǵa jýyq smartfon resmi túrde ákelinedi. Demek, bul tártipke sáikes, jyl saiyn importtaýshylardyń qaltasynan shamamen 16 mlrd teńge jeke menshik kompaniiaǵa aýdarylady degen sóz. Saiyp kelgende, munyń aýyrtpalyǵyn qarapaiym halyq kóteretini anyq. Al osynshama mol qarajat biýdjetke emes, 2023 jyly ǵana qurylǵan jeke kásiporynǵa jiberiletini – qoǵamda kúmándi saýaldar týǵyzyp otyr.
Atalǵan iri kólemdegi qarajatty alýshy – TOO «ATS Mediafon KZ». Kompaniia 2023 jyldyń sáýirinde «ATS Advanced Telecom Solutions» ataýymen qurylǵan. Negizgi qyzmeti – baǵdarlamalyq kodtardy ázirleý jáne testileý dep kórsetilgen. Kompra.kz derekterine qaraǵanda, kompaniianyń direktory ári quryltaishysy – Vladislav Safarov esimdi azamat. Ol sondai-aq kóterme saýdamen ainalysatyn «AVS ALLIANCE» jáne baǵdarlamalyq-apparattyq keshenderdi ornatýmen shuǵyldanatyn «KAZAKHSTAN HERITAGE» seriktestikterin de basqarady eken.
Memlekettik organdardyń bul jaǵdaidy baiqamaýy tipti tańǵaldyrady. Sebebi «ATS Mediafon KZ» osy ýaqytqa deiin eshqandai qyzmet atqarmaǵan, biýdjetke bir teńge de salyq tólemegen.
Soǵan qaramastan, milliardtaǵan qarajatty iemdenýdiń joly ashylǵan. Qazirdiń ózinde kompaniia Headhunter portalynda jalaqysy joǵary úsh bos oryn jariialap úlgergen.
«Aq Jaiyq» basylymy osyǵan orai quzyrly organdardan, ásirese tsifrlyq damý, innovatsiialar jáne aeroǵarysh ónerkásibi ministrliginen myna suraqtarǵa jaýap berýin talap etken eken:
- Árbir smartfondy tirkeý quny – shamamen 4000 teńge degen esep qaidan alynǵan?
- Nelikten atalǵan qarajat tek osy maqsat úshin jańadan qurylǵan, jeke menshik firmanyń shotyna aýdarylýda?
- Ministrlik mundai «deldal» kompaniialardyń qurylýyna ne sebepti jol berip otyr jáne oǵan kóz juma qaraityn sebebi nede?
