Innovatsiialyq jobalar tolyq iske asqan kezde eki myńǵa jýyq jańa jumys orny ashylady. Óndiristi óńirge investorlar tartý sharalary jalǵasyp jatyr. Jalpy oblystyń áleýmettik-ekonomikalyq damý qarqyny báseńdegen joq. Biylǵy jyldyń ótken kezeńinde óndiris kólemi 4,7 paiyzǵa ósken.
Negizgi kapitalǵa investitsiia salý kólemi 268 mlrd teńgege deiin ulǵaidy. Investorlardy tartý úshin tiimdi usynys, qolaily jaǵdai bolýy tiis. Bul oraida «Aqtóbe» indýstrialdy aimaǵyna ornalasqan kásiporyndardyń utylmasy anyq. Munda quny 2,5 mlrd teńge bolatyn kólik-logistikalyq ortalyǵynyń irgetasy qalandy.
Al jaqynda qurylys materialynyń 5 túrin shyǵaratyn tseh iske qosyldy. Shyny maqta aralas úshqabatty kirpishtiń elimizde balamasy joq.
Esmyrza Baitursynov, kásiporynnyń atqarýshy direktory:
– Onyń ereksheligi ishinde – aldyńǵy qabatynda maqtamen qaptalady, ekinshisi de betonmen bekitiledi. Sondyqtan ol óte tiimdi ári jyly bolady. Áýeli osy ózimizdiń aýdandardy qamtamasyz etemiz, sodan keiin shet jaqtardy qaraimyz.
Oblysta jyl basynan beri 389,7 myń sharshy metr turǵyn úi paidalanýǵa berildi. Jyl aiaǵyna deiin birneshe úidiń qurylysy aiaqtalýy tiis. Jalpy «Nurly jer» baǵdarlamasyn iske asyrýda Aqtóbekósh bastap tur. Biyl aýmaǵy 25 myń sharshy metr bolatyn 194 kottedj ben 22 shaǵyn qabatty turǵyn úi paidalanýǵa beriledi.
Baspana jer kezeginde turǵandarǵa beriledi. Olar «Turǵyn úi qurylys jinaq» júiesi arqyly úi baǵasynyń 30 paiyzyn jinap, qalǵanyn nesiege rásimdei alady. Páterdiń bir sharshy metri 120 myń teńge shamasynda. Iaǵni respýblika boiynsha eń tómengi baǵa bekitilgen.
Dáýren Orazbaev, merdiger kompaniianyń ókili:
Óńirde aýylsharýashylyǵy ónimderin shyǵarý kólemi 3,9 paiyzǵa, qurylys jumystaryn atqarý 10,3 paiyzǵa ósken. Jekemenshik pen memlekettik áriptestik negizinde qyzmet kórsetetin áleýmettik nysandardyń qurylysy qarqyndy júrdi. 40-qa jýyq balabaqsha jáne birneshe meditsinalyq mekeme osy jańa júiemen jumys istep tur.
Odan bólek «Týǵan jer» baǵdarlamasy aiasynda áleýmettik mańyzdy nysandar boi kóterdi.
