Aqtóbede jol ústinde "shoý" jasaǵan júrgizýshiniń kóligi aiypturaqqa qoiyldy, dep habarlaidy dalanews.kz.
Áleýmettik jelilerge júrgizilgen monitoring barysynda politsiia qyzmetkerleri jigit kólik basqarý kezinde jol erejelerin buzǵan beinejazbany anyqtaǵan.
Aqtóbe qalasyndaǵy basty dańǵyldardyń birinde júrgizýshi jol qozǵalysynyń basqa qatysýshylaryna qaýip tóndire otyryp, jol qozǵalysy erejelerin qasaqana buzǵan. Onyń ústine óz áreketin beinekameraǵa túsirip, keiin áleýmettik jelide jariialaǵan.
Quqyq buzǵan adam anyqtalyp, politsiia bólimine jetkizildi. Tekseris nátijesinde jol qozǵalysy erejelerin buzǵany úshin oǵan 14 ákimshilik hattama toltyryldy. Kólik arnaiy turaqqa qoiyldy.
