Aqtóbede elimizdiń batys óńirindegi alǵashqy beton skeit-park ashyldy. Qala ákimi Azamat Bekettiń aitýynsha, jańa sport alańy ekstremaldy sportqa mamandanǵan sarapshylardyń baǵalaýymen Qazaqstandaǵy sapasy men kásibi talaptarǵa sai tórtinshi skeit-park sanalady, dep habarlaidy Dalanews.kz
Skeit-park qalanyń qaq ortasynda, Patsaev eskertkishiniń artynda boi kóterdi. Munda skeit tebýge, BMX velosipedpen júrýge jáne syrǵanaýǵa arnalǵan arnaiy rampa ornatylǵan. Sonymen qatar strit-vorkaýt aimaǵy men kóshe trenajerlary qarastyrylǵan.
Joba tolyǵymen demeýshilerdiń qarjysyna júzege asqan. «Gorilla Energy» kompaniiasy rampa qurylysyna 150 million teńge bólse, alań janyndaǵy meiramhana aýmaqty abattandyrýǵa 50 million teńge qarjy jumsaǵan.
– Biz qala turǵyndaryna qolaily orta qalyptastyrýdy basty maqsat etip otyrmyz. Búgin ashylǵan skeit-park – sonyń aiqyn dáleli. Jastardyń súiikti ornyna ainalatynyna senimdimiz, – dedi qala ákimi Azamat Beket.
Ákimdik ókilderi turǵyndardan jańa nysandy kútip ustaýǵa shaqyrdy.
