Oqys oqiǵa keshe tús aýa hrom qosyndylary zaýytynyń №4 tsehynda bolǵan. Aqtóbe oblystyq eńbek inspektsiiasy basshysynyń orynbasary Baýyrjan Orazaevtyń aitýynsha, óndiriste qoldanylatyn baktyń ishindegi himiialyq qaldyqty tazalap jatqanda bir jumysshy kúiip qalǵan. Ony qutqarmaq bolyp, bes jumysshy bakqa túsken. Barlyǵy termiialyq kúiik alǵan. Tórteý qaza bolyp, ekeýi aýrýhanaǵa tústi.
Aqtóbe oblystyq politsiia departamentiniń basshysy Arystan Atyǵai «Aldyn ala tergeý tseh jumysshylarynyń kólemi 50 tekshe metrlik bakty tazalap jatqan kezde qaza bolǵanyn anyqtady. Atalmysh fakt boiynsha «Abaisyzda eki jáne odan da kóp adamnyń ólimine ákep soqqan qaýipsizdik tehnikasynyń buzylýy» babymen qylmystyq is qozǵaldy»dedi.
Aýrýhanada jatqan eki jumysshynyń da beti, moiny men qol-aiaǵy kúigen. Tynys alý joldary búlinip, kúiikten shok alǵan. Aýrýhanaǵa óte aýyr halde jatqan jumysshylardyń biri – 32 jasta, endi biri – 36 jasta.
Hrom qosyndylaryn – natrii monohromaty, natrii bihromaty, hrom angidridi, hrom totyǵy, hrom malmasy jáne kúkirtti natrii – óndiretin zaýyt Aqtóbe qalasy aýmaǵynda ornalasqan. Ónimi álemniń otyzdan astam eline shyǵarylatyn úlken kásiporyn.
