Aqtóbede merzimdi áskeri qyzmettegi sarbazdy uryp-soqqan serjantqa qatysty sot úkimi shyqty. Áskeri sot ony biligin asyra paidalandy dep tanyp, bir jylǵa bas bostandyǵynan aiyrdy., dep habarlaidy dalanews.kz.
Is materialdaryna sáikes, serjanttyń kúsh qoldanýy saldarynan merzimdi áskeri qyzmetshi dene jaraqatyn alǵan. Saraptama qorytyndysy boiynsha onyń densaýlyǵyna ortasha aýyrlyqtaǵy ziian keltirilgen. Sot barysynda prokýror aiyptalýshyǵa naqty bas bostandyǵynan aiyrý jazasyn taǵaiyndaýdy suraǵan. Al jábirlenýshi kináli adamnyń zań aiasynda jazalanýyn talap etken.
Óz kezeginde aiyptalýshy taǵylǵan aiypty tolyq moiyndamai, ózin aqtaýdy suraǵan.
Sot úkimine sáikes, sottalǵan serjant jábirlenýshige 1,6 million teńge kóleminde ótemaqy tóleýge mindetteldi.
Onyń ishinde:
- 700 myń teńge – moraldyq ziian úshin;
- 900 myń teńge – sarbazdyń advokat qyzmetine jumsaǵan shyǵyndaryn óteýge baǵyttalǵan.
Aita keteiik, sot protsesi kezinde serjant tek advokat shyǵyndaryn óteýge ǵana kelisim bergen. Úkim zańdy kúshine engen joq.
