اقتٶبەدە مەرزٸمدٸ ەسكەري قىزمەتتەگٸ ساربازدى ۇرىپ-سوققان سەرجانتقا قاتىستى سوت ٷكٸمٸ شىقتى. ەسكەري سوت ونى بيلٸگٸن اسىرا پايدالاندى دەپ تانىپ, بٸر جىلعا باس بوستاندىعىنان ايىردى., دەپ حابارلايدى dalanews.kz.
ٸس ماتەريالدارىنا سەيكەس, سەرجانتتىڭ كٷش قولدانۋى سالدارىنان مەرزٸمدٸ ەسكەري قىزمەتشٸ دەنە جاراقاتىن العان. ساراپتاما قورىتىندىسى بويىنشا ونىڭ دەنساۋلىعىنا ورتاشا اۋىرلىقتاعى زييان كەلتٸرٸلگەن. سوت بارىسىندا پروكۋرور ايىپتالۋشىعا ناقتى باس بوستاندىعىنان ايىرۋ جازاسىن تاعايىنداۋدى سۇراعان. ال جەبٸرلەنۋشٸ كٸنەلٸ ادامنىڭ زاڭ اياسىندا جازالانۋىن تالاپ ەتكەن.
ٶز كەزەگٸندە ايىپتالۋشى تاعىلعان ايىپتى تولىق مويىنداماي, ٶزٸن اقتاۋدى سۇراعان.
سوت ٷكٸمٸنە سەيكەس, سوتتالعان سەرجانت جەبٸرلەنۋشٸگە 1,6 ميلليون تەڭگە كٶلەمٸندە ٶتەماقى تٶلەۋگە مٸندەتتەلدٸ.
ونىڭ ٸشٸندە:
- 700 مىڭ تەڭگە – مورالدىق زييان ٷشٸن;
- 900 مىڭ تەڭگە – ساربازدىڭ ادۆوكات قىزمەتٸنە جۇمساعان شىعىندارىن ٶتەۋگە باعىتتالعان.
ايتا كەتەيٸك, سوت پروتسەسٸ كەزٸندە سەرجانت تەك ادۆوكات شىعىندارىن ٶتەۋگە عانا كەلٸسٸم بەرگەن. ٷكٸم زاڭدى كٷشٸنە ەنگەن جوق.
