Aqtóbede muǵalimder óz-ózin órtep jiberetinin aityp, úndeý jasady, dep habarlaidy Dalanews.kz.
Mán-jaiy
Áleýmettik jelide Oqý-aǵartý ministrliginiń jańa tártibinen keiin Aqtóbedegi "Bilim" jáne "Smart Bilim" jekemenshik mektepteriniń muǵalimderi qyrkúiekten beri jalaqy almaǵany, olar "ákimdik aldynda ózderin órteimiz" degen málimdeme jasaǵany týraly aqparat tarady.
Sheneýnikter jalaqyny kelesi apta sońyna deiin tóleýge ýáde etken, biraq naqty kepil joq. Al shyǵyndy óteý úshin muǵalimderge sotqa júginý usynylǵan.
Buǵan deiingi jaǵdai
Eske salaiyq, jýyrda depýtat Murat Ábenov jeke menshik mektepterge qatysty málimdeme jasady. Depýtattyń sózinshe, jekemenshik mektepterdiń 57%-y zaman talabyna sai emes.
"Shantaj jasaýdy qoiyńdar. Muǵalimder arqyly aiqai-shý shyǵaryp, jasalmaǵan jumystar úshin aqshany májbúrlep tóletemiz, BAQ pen áleýmettik jeli arqyly jaýapty tulǵalardy qorqytamyz dep áreket jasaǵandar, otpen oinamańdar. Jańa ministrdiń tártip ornatamyn degen barlyq talabyn tolyq qoldaimyz", - dedi ol.
