Aqtóbede er adamdy bopsalaǵan qyz ustaldy, dep habarlaidy Dalanews.kz.
Aqtóbede politsiia qyzmetkerleri júrgizgen jedel izdestirý sharalary kezinde áiel adam aqsha bopsalaýmen ainalysqany anyqtalǵan.
Tekseris barysynda qyz 54 jastaǵy qala turǵynyn qorqytyp, er adamnan 450 myń teńge kóleminde aqsha bopsalaǵany belgili boldy.
"Ol "zorlady" dep quqyq qorǵaý organdaryna aryzdanatynyn aityp qorqytqan. Jedel izdestirý barysynda 28 jastaǵy kúdikti anyqtalyp, jábirlenýshiden aqsha alǵan kezde ustaldy. Ol politsiia bólimine jetkizilip, bopsalap alynǵan aqsha tárkilendi. Qyz kinásin moiyndady", - dedi politsiia.
Bul derek boiynsha qylmystyq is qozǵalyp, sotqa deiingi tergep-tekserý júrgizilip jatyr.
