Aqtóbe oblysynda sheteldik stýdentten aqsha bopsalady degen kúdikpen 28 jastaǵy er adam ustaldy, dep habarlaidy dalanews.kz.
Politsiia málimetinshe, uiymdasqan qylmysqa qarsy kúres basqarmasynyń qyzmetkerleri sheteldik stýdentten aqsha bopsalaý faktisi týraly jedel aqparat alǵan.
«Jedel-izdestirý sharalary barysynda politsiia qyzmetkerleri 28 jastaǵy aqtóbelik azamatty anyqtap, arnaiy jasaq sarbazdarymen birlesip, aqsha berý kezinde kúdiktini ustady», – delingen habarlamada.
Aldyn ala málimet boiynsha, shamamen 10 kún buryn kúdikti sheteldik stýdenttermen tanysqan. Keiin olar qaladaǵy oiyn-saýyq oryndarynyń birinde birge ýaqyt ótkizgen.
Politsiianyń aitýynsha, bir kúni kompaniiada dámhanadaǵy esepti tóleýge aqsha jetpei qalǵan.
«Kúdikti stýdentterdiń birine qoqan-loqy kórsetip, uialy telefonyn lombardqa tapsyrýǵa májbúrlegen», – dep habarlady politsiia.
Birneshe kúnnen keiin kúdikti sheteldik stýdentten taǵy da aqsha alǵan.
Politsiia málimetinshe, bul joly ol bopsalaý arqyly sheteldik azamattyń 50 myń teńgesin iemdengen.
Qazir atalǵan fakti boiynsha sotqa deiingi tergeý júrgizilip jatyr.
