اقتٶبە وبلىسىندا شەتەلدٸك ستۋدەنتتەن اقشا بوپسالادى دەگەن كٷدٸكپەن 28 جاستاعى ەر ادام ۇستالدى, دەپ حابارلايدى dalanews.kz.
پوليتسييا مەلٸمەتٸنشە, ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ شەتەلدٸك ستۋدەنتتەن اقشا بوپسالاۋ فاكتٸسٸ تۋرالى جەدەل اقپارات العان.
«جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ 28 جاستاعى اقتٶبەلٸك ازاماتتى انىقتاپ, ارنايى جاساق ساربازدارىمەن بٸرلەسٸپ, اقشا بەرۋ كەزٸندە كٷدٸكتٸنٸ ۇستادى», – دەلٸنگەن حابارلامادا.
الدىن الا مەلٸمەت بويىنشا, شامامەن 10 كٷن بۇرىن كٷدٸكتٸ شەتەلدٸك ستۋدەنتتەرمەن تانىسقان. كەيٸن ولار قالاداعى ويىن-ساۋىق ورىندارىنىڭ بٸرٸندە بٸرگە ۋاقىت ٶتكٸزگەن.
پوليتسييانىڭ ايتۋىنشا, بٸر كٷنٸ كومپانييادا دەمحاناداعى ەسەپتٸ تٶلەۋگە اقشا جەتپەي قالعان.
«كٷدٸكتٸ ستۋدەنتتەردٸڭ بٸرٸنە قوقان-لوقى كٶرسەتٸپ, ۇيالى تەلەفونىن لومباردقا تاپسىرۋعا مەجبٷرلەگەن», – دەپ حابارلادى پوليتسييا.
بٸرنەشە كٷننەن كەيٸن كٷدٸكتٸ شەتەلدٸك ستۋدەنتتەن تاعى دا اقشا العان.
پوليتسييا مەلٸمەتٸنشە, بۇل جولى ول بوپسالاۋ ارقىلى شەتەلدٸك ازاماتتىڭ 50 مىڭ تەڭگەسٸن يەمدەنگەن.
قازٸر اتالعان فاكتٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
