Aqtóbe oblysynyń bala-baqshalarynda biýdjet qarajaty zańsyz talan-tarajǵa salynǵan, - dep habarlaidy Dalanews.kz.
Aqtóbe oblysynyń Hromtaý jáne Muǵaljar aýdandary prokýratýralary mektepke deiingi mekemelerde 240 mln teńgeden astam biýdjet qarajatyn talan-tarajǵa salý faktilerin anyqtady.
Biýdjet qarajattary jumysshylarǵa qosymsha syilyqaqy berýde biýdjettik ótinimderdi negizsiz joǵarylatý arqyly iemdenilgen.
Baqylaýsyz ózgerister engizilip, onyń ishinde basshylarǵa syilyqaqy berý týraly buiryqtarǵa somalardy asyra kótergen.
Iemdenip alý shemalary jalaqyny belgilengen normadan tys aýdarý, aýdarymdardy qaitalaý, jalǵan issaparlar arqyly júzege asyrylǵan.
Sonymen qatar, esepshilerdiń biri keibir qyzmetkerlerge joǵarylatylǵan jalaqy, qosarlanǵan eńbek demalysy men issapar tólemderin zańsyz esepteý arqyly jalpy kólemi 24 mln teńgeden astam qarajatty iemdengen.
Osy qarajattar eshqandai negizsiz esepshiniń nemese bala-baqsha meńgerýshisiniń jeke esepshottaryna aýdarylǵan.
Aýdan prokýratýralarymen aýdandyq bilim bóliminiń burynǵy basshylaryna, 3 bala-baqsha meńgerýshileri men 4 esepshilerine qatysty QK-tiń 189-babynyń 4-bóliginiń 2-tarmaǵymen (asa iri mólsherde cenip tapsyrylǵan bóten múlikti iemdenip alý nemese talan-tarajǵa salý) sotqa deiingi tergep-tekserý bastaldy.
Barlyq kórsetilgen faktiler boiynsha Sybailas jemqorlyqqa qarsy kúres qyzmetimen sotqa deiingi tergep-tekserýler júrgizilýde.
