Búgin Aqtóbe oblysynyń ákimi Ashat Shaharov jańa Konstitýtsiia jobasy boiynsha ótkizilgen respýblikalyq referendýmǵa qatysyp, óz tańdaýyn jasady, dep habarlaidy Dalanews.kz.
Óńir basshysy №541 referendým ýchaskesinde daýys berdi. Atalǵan ýchaske Uzaqbai Qulymbetov atyndaǵy №64 jalpy bilim beretin mektepte ornalasqan.
Daýys bergennen keiin oblys ákimi referendýmǵa qatysýdyń mańyzdylyǵyn atap ótti.
«Búgin men referendým ýchaskesine kelip, elimizdiń jarqyn bolashaǵy úshin óz tańdaýymdy jasadym. Bul – tek bizdiń quqyǵymyz ǵana emes, árbir azamattyń Otan aldyndaǵy mindeti. Konstitýtsiia – táýelsiz Qazaqstannyń basty qujaty, memleketimizdiń berik negizi», – dedi oblys ákimi.
Sondai-aq ol Aqtóbe oblysynda referendýmdy ótkizý úshin barlyq qajetti jaǵdai jasalǵanyn alǵa tartty. Óńirde 528 daýys berý ýchaskesi jumys istep tur. Olardyń barlyǵy qajetti jabdyqtarmen tolyq qamtamasyz etilgen.
Ýchaskelerde daýys berý protsesiniń ashyq ári zań talaptaryna sáikes ótýi úshin barlyq múmkindik qarastyrylǵan.
Qazirgi ýaqytta respýblikalyq referendým Aqtóbe oblysynyń aýmaǵynda jalǵasyp jatyr. Árbir turǵyn el bolashaǵyna qatysty óz pikirin bildirip, tańdaý jasaýǵa múmkindik aldy.
