بٷگٸن اقتٶبە وبلىسىنىڭ ەكٸمٸ اسحات شاحاروۆ جاڭا كونستيتۋتسييا جوباسى بويىنشا ٶتكٸزٸلگەن رەسپۋبليكالىق رەفەرەندۋمعا قاتىسىپ, ٶز تاڭداۋىن جاسادى, دەپ حابارلايدى Dalanews.kz.
ٶڭٸر باسشىسى №541 رەفەرەندۋم ۋچاسكەسٸندە داۋىس بەردٸ. اتالعان ۋچاسكە ۇزاقباي قۇلىمبەتوۆ اتىنداعى №64 جالپى بٸلٸم بەرەتٸن مەكتەپتە ورنالاسقان.
داۋىس بەرگەننەن كەيٸن وبلىس ەكٸمٸ رەفەرەندۋمعا قاتىسۋدىڭ ماڭىزدىلىعىن اتاپ ٶتتٸ.
«بٷگٸن مەن رەفەرەندۋم ۋچاسكەسٸنە كەلٸپ, ەلٸمٸزدٸڭ جارقىن بولاشاعى ٷشٸن ٶز تاڭداۋىمدى جاسادىم. بۇل – تەك بٸزدٸڭ قۇقىعىمىز عانا ەمەس, ەربٸر ازاماتتىڭ وتان الدىنداعى مٸندەتٸ. كونستيتۋتسييا – تەۋەلسٸز قازاقستاننىڭ باستى قۇجاتى, مەملەكەتٸمٸزدٸڭ بەرٸك نەگٸزٸ», – دەدٸ وبلىس ەكٸمٸ.
سونداي-اق ول اقتٶبە وبلىسىندا رەفەرەندۋمدى ٶتكٸزۋ ٷشٸن بارلىق قاجەتتٸ جاعداي جاسالعانىن العا تارتتى. ٶڭٸردە 528 داۋىس بەرۋ ۋچاسكەسٸ جۇمىس ٸستەپ تۇر. ولاردىڭ بارلىعى قاجەتتٸ جابدىقتارمەن تولىق قامتاماسىز ەتٸلگەن.
ۋچاسكەلەردە داۋىس بەرۋ پروتسەسٸنٸڭ اشىق ەرٸ زاڭ تالاپتارىنا سەيكەس ٶتۋٸ ٷشٸن بارلىق مٷمكٸندٸك قاراستىرىلعان.
قازٸرگٸ ۋاقىتتا رەسپۋبليكالىق رەفەرەندۋم اقتٶبە وبلىسىنىڭ اۋماعىندا جالعاسىپ جاتىر. ەربٸر تۇرعىن ەل بولاشاعىنا قاتىستى ٶز پٸكٸرٸن بٸلدٸرٸپ, تاڭداۋ جاساۋعا مٷمكٸندٸك الدى.
