Aqtóbe oblysynyń 1,5 myńnan astam turǵyny bar Muǵaljar aýylynda jańa dárigerlik ambýlatorıa ashyldy. Ol Arnaýly memlekettik qordan bólingen qarajatqa jáne «Aýylda densaýlyq saqtaýdy jańǵyrtý» ulttyq jobasyna sáıkes salynǵan, dep habarlaıdy Dalanews.kz

Medısınalyq nysan ambýlatorıalyq qyzmet kórsetedi, zerthanalyq dıagnostıka men skrınıngter júrgizedi. Jobanyń jalpy quny – 300 mln teńge. Ambýlatorıa táýligine 45 kelýshige eseptelgen.

Sondaı-aq óńirde buǵan deıin Arnaýly memlekettik qor qarajatyna salynǵan Baıǵanın aýdanynyń Noǵaıty aýylynda kúnine 40 kelýshige eseptelgen feldsherlik-akýsherlik pýnkt (quny – 190 mln teńge) jáne qýaty táýligine 25 kelýshige arnalǵan Yrǵyz aýdanynyń Jarma aýylyndaǵy medısınalyq pýnkt (quny – 145 mln teńge) paıdalanýǵa berilgen bolatyn.

5 myńǵa jýyq adam turatyn  Alǵa aýdany Marjanbulaq aýylynda dárigerlik ambýlatorıanyń qurylysy aıaqtalýǵa jaqyn.

Eske salaıyq, jalpy Aqtóbe oblysynda qaıtarylǵan aktıvter qarajaty esebinen qurylǵan Arnaýly memlekettik qordan aýyldyq densaýlyq saqtaý salasynda barlyǵy 11 joba júzege asyrylýda. Búgingi tańda úsh nysan paıdalanýǵa berildi, segiz nysannyń qurylysy jalǵasýda.