اقتٶبە وبلىسىنىڭ 1,5 مىڭنان استام تۇرعىنى بار مۇعالجار اۋىلىندا جاڭا دەرٸگەرلٸك امبۋلاتورييا اشىلدى. ول ارناۋلى مەملەكەتتٸك قوردان بٶلٸنگەن قاراجاتقا جەنە «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسىنا سەيكەس سالىنعان, دەپ حابارلايدى Dalanews.kz
مەديتسينالىق نىسان امبۋلاتورييالىق قىزمەت كٶرسەتەدٸ, زەرتحانالىق دياگنوستيكا مەن سكرينينگتەر جٷرگٸزەدٸ. جوبانىڭ جالپى قۇنى – 300 ملن تەڭگە. امبۋلاتورييا تەۋلٸگٸنە 45 كەلۋشٸگە ەسەپتەلگەن.
سونداي-اق ٶڭٸردە بۇعان دەيٸن ارناۋلى مەملەكەتتٸك قور قاراجاتىنا سالىنعان بايعانين اۋدانىنىڭ نوعايتى اۋىلىندا كٷنٸنە 40 كەلۋشٸگە ەسەپتەلگەن فەلدشەرلٸك-اكۋشەرلٸك پۋنكت (قۇنى – 190 ملن تەڭگە) جەنە قۋاتى تەۋلٸگٸنە 25 كەلۋشٸگە ارنالعان ىرعىز اۋدانىنىڭ جارما اۋىلىنداعى مەديتسينالىق پۋنكت (قۇنى – 145 ملن تەڭگە) پايدالانۋعا بەرٸلگەن بولاتىن.
5 مىڭعا جۋىق ادام تۇراتىن العا اۋدانى مارجانبۇلاق اۋىلىندا دەرٸگەرلٸك امبۋلاتورييانىڭ قۇرىلىسى اياقتالۋعا جاقىن.
ەسكە سالايىق, جالپى اقتٶبە وبلىسىندا قايتارىلعان اكتيۆتەر قاراجاتى ەسەبٸنەن قۇرىلعان ارناۋلى مەملەكەتتٸك قوردان اۋىلدىق دەنساۋلىق ساقتاۋ سالاسىندا بارلىعى 11 جوبا جٷزەگە اسىرىلۋدا. بٷگٸنگٸ تاڭدا ٷش نىسان پايدالانۋعا بەرٸلدٸ, سەگٸز نىساننىڭ قۇرىلىسى جالعاسۋدا.
