Aqtóbe oblysynda jantúrshigerlik jol apaty boldy, dep habarlaidy Dalanews.kz.
25 qańtarda saǵat 17:00-de Aqtóbe – Orynbor tasjolynyń Quraily aýyly mańynda úsh kólik jol apatyna ushyraǵan.
"Aldyn ala málimetter boiynsha Aqtóbe qalasynan Martók aýylyna baǵyt alǵan Honda Odyssey kóliginiń júrgizýshisi qarsy jolaqqa shyǵyp, qarsy baǵytta kele jatqan Hyundai Solaris kóligimen soqtyǵysty. Soqqydan Honda Odyssey baǵytyn ózgertip, qarsy baǵytta kele jatqan VAZ-2110 kóligimen soqtyǵysqan", - dedi politsiia.
Jol apaty saldarynan VAZ-2110 kóliginiń júrgizýshisi men úsh jolaýshysy alǵan jaraqattarynan oqiǵa ornynda qaza tapty. Honda Odyssey kóliginiń bir jolaýshysy jáne VAZ-2110 kóliginiń bir jolaýshysy zardap shekken, olarǵa meditsinalyq kómek kórsetilip jatyr.
"Honda Odyssey kóliginiń júrgizýshisi Aqtóbe qalasynyń ýaqytsha ustaý izoliatoryna qamaldy", - dedi politsiia.
