Aqtóbe oblysynda jantúrshigerlik jol apatynan 12 adam qaza tapty, dep habarlaidy Dalanews.kz.
23 qazanda Samara – Shymkent avtojolynda, Belqopa aýylynyń mańynda DAF júk kóligi men «GAZel» jolaýshylar kóligi soqtyǵysty.Aldyn ala málimet boiynsha, júk kóligi qarsy qozǵalys jolaǵyna shyǵyp ketken.
Jol-kólik oqiǵasy saldarynan oqiǵa ornynda eki júrgizýshi men «GAZel» avtokóliginiń 10 jolaýshysy qaza tapty, taǵy bes adam meditsinalyq mekemege jetkizildi.
Oqiǵa boiynsha sotqa deiingi tergep-tekserý bastaldy.Anyqtalǵandai, «GAZel» jolaýshylar kóligi resmi túrde T.Júrgenev aýylynan oblys ortalyǵyna jolaýshylar tasymaldaýmen ainalysqan.
Oqiǵa ornynda politsiia qyzmetkerleri men jedel-tergeý toby jumys jasap jatyr, oqiǵanyń barlyq mán-jaiy anyqtalýda. Qajetti tergeý áreketteri júrgizilýde.
