Aqtóbe oblysynda 50-ge jýyq shetel azamaty aiazda qalǵan, dep habarlaidy Dalanews.kz.
Qarabutaq – Qostanai tasjolynda Resei Federatsiiasy (Ekaterinbýrg q.) – Tájikstan Respýblikasy baǵytynda kele jatqan jolaýshylar avtobýsy jol jieginde toqtap qalǵan. Tekseris barysynda Van Hool avtobýsynda 46 adam, sonyń ishinde 2 júrgizýshi bolǵany anyqtalǵan.
"Jolaýshylar arasynda 5 áiel men 5 bala boldy (barlyǵy - shetel azamattary). Qatty aiaz saldarynan avtobýstyń dizel otyny qatyp qalǵan. Politsiia qyzmetkerleri jolaýshylardyń qaýipsizdigin qamtamasyz etti. Patrýldik politsiia men tótenshe jaǵdailar departamenti qyzmetkerleriniń birlesken is-qimyly nátijesinde jolaýshylar Áitekebi aýdany T.Júrgenov aýylyndaǵy ortalyq meshit ǵimaratyna ýaqytsha ornalastyryldy. Meditsinalyq kómekke muqtaj jandar tirkelgen joq", - dedi politsiia.
Politsiia júrgizýshilerge jolǵa shyǵar aldynda aýa raiy jaǵdaiyn eskerip, kóliktiń tehnikalyq jai-kúiin tekserýdi jáne resmi aqparat kózderin qadaǵalaýdy eskertti.
