Aqtóbe qalasy ákiminiń burynǵy apparat basshysy Nursultan Isembaiuly alaiaqtyq jasaǵany úshin kináli dep tanylyp, úsh jylǵa bas bostandyǵynan aiyryldy. Ol sot zalynda qamaýǵa alyndy, dep habarlaidy dalanews.kz.
Is sotqa 2024 jyldyń jeltoqsanynda túsken. Alaida 2025 jyldyń sáýirinde eks-sheneýnik aqtalǵan bolatyn. Keiin prokýratýranyń apelliatsiialyq shaǵymynan soń 2026 jyldyń naýryzynda bul úkimniń kúshi joiyldy.
Sot sheshimimen Nursultan Isembaiuly ómir boiyna memlekettik qyzmette jumys isteý quqyǵynan aiyryldy.
Sonymen qatar sot odan 3 mln teńge kóleminde materialdyq shyǵyn óndirýdi jáne zańdy ókildiń paidasyna 1,5 mln teńge tóleýdi mindettedi.
Osylaisha, burynǵy sheneýnikke qatysty is birneshe sot satysynan ótip, nátijesinde oǵan naqty merzimge bas bostandyǵynan aiyrý jazasy taǵaiyndaldy.
