Aqtaýlyq «Kaspii» fýtbol klýby birinshi liga aiasynda óskemendik «Altai» komandasyna qarsy oiyn ótkizip, jeńiske jetti. Sondai-aq, bul oiyn Jańaózende alǵash ret ótkizilip otyr, dep habarlaidy Qoǵamdyq kommýnikatsiia ortalyǵy.
12 sáýir kúni ótken oiynǵa Jańaózen qalasynyń ákimi Janseiit Qainarbaev arnaiy qatysty. Ol óz sózinde, búgingi liga qala úshin tarihi sát bolǵanyn atap ótti.
-Jańaózende ashyq fýtboldan alǵash ret jarys ótip jatyr. Aldymen osy oiynnyń ótýine úlken septigin tigizgen oblys ákimi Noǵaev Nurlan Asqarulyna alǵysymdy bildiremin. Bul oiyn bizdiń jastarymyzǵa, óskeleń urpaqqa sporttyń jańa baǵytyn kórsetip, serpin beredi degen úmittemin. Fýtbol - halyq arasynda joǵary tanymaldylyqqa ie bolýda. Sondyqtan, ary qarai fýtboldy Jańaózen qalasynda damytýdy jalǵastyramyz degen senimdemin, - dedi Janseiit Qainarbaev.
Jarys Jańaózen qalasyndaǵy Ámin Tuiaqov atyndaǵy stadionda boldy. Oiynǵa myńdaǵan jankúierler qatysyp, jerlesterimizge qoldaý kórsetti.
Birinishi liga nátijesinde, «Kaspii» fýtbol klýby 4:1 esebimen jeńiske jetti.
«Kaspii» fýtbol klýbynyń basshysy Nurjan Jalǵasbaev jarysqa sportshylardyń daiyndyǵy joǵary deńgeide bolǵanyn aityp ótti.
-Birinshi ligaga aqpan aiynan bastap daiyndyqty bastadyq. Bul «Kaspii» fýtbol klýby úshin jyl basynan beri ekinshi oiyn boldy. Alǵashqy oiyn Arys qalasynda ótip, jeńispen oralǵan bolatynbyz. Dál sol nátijeni búgin kórsettik, - dedi Nurjan Jalǵasbaev.
Oiyn sońynda eki komandanyń ókilderi baspasóz konferentsiiasyna qatysyp, búgingi liga týraly óz pikirlerimen bólisti. Aldaǵy ýaqytta «Kaspii» fýtbol klýbynyń óz jerimizde bolatyn jarystarynyń barlyǵy Jańaózende ótetin bolady.
-32 jyldan keiin qalamyzǵa úlken fýtbol qaita oraldy. Men osyndai joǵary deńgeidegi jarysqa alǵash ret kelip turmyn. Óte qatty unap jatyr. Atmosferasy tym bólek. «Kaspii» fýtbol klýbynyń jankúierimin. Meniń janymda dostarym da bar. Barlyǵymyz aqtaýlyq komandaǵa senemiz. «Kaspii» alǵa! Sportshylarymyz jaqsy oiyn kórsetip jatyr. Ary qarai da úlken jeńister kútemiz. Búgingidei jarystar Jańaózende kóbeise, jankúier retinde qýanatyn bolamyz, - dedi jankúier Ernar Nurlanuly.
Aita keteiik, qala ákimdigi halyqtyń fýtbolǵa degen zor qyzyǵýshylyǵyn kórip, Jańaózende «Kaspii» fýtbol ortalyǵy bólimshesiniń ashýǵa qoldaý bildiretinin jetkizdi.
