اقتاۋلىق «كاسپيي» فۋتبول كلۋبى بٸرٸنشٸ ليگا اياسىندا ٶسكەمەندٸك «التاي» كومانداسىنا قارسى ويىن ٶتكٸزٸپ, جەڭٸسكە جەتتٸ. سونداي-اق, بۇل ويىن جاڭاٶزەندە العاش رەت ٶتكٸزٸلٸپ وتىر, دەپ حابارلايدى قوعامدىق كوممۋنيكاتسييا ورتالىعى.
12 سەۋٸر كٷنٸ ٶتكەن ويىنعا جاڭاٶزەن قالاسىنىڭ ەكٸمٸ جانسەيٸت قاينارباەۆ ارنايى قاتىستى. ول ٶز سٶزٸندە, بٷگٸنگٸ ليگا قالا ٷشٸن تاريحي سەت بولعانىن اتاپ ٶتتٸ.
-جاڭاٶزەندە اشىق فۋتبولدان العاش رەت جارىس ٶتٸپ جاتىر. الدىمەن وسى ويىننىڭ ٶتۋٸنە ٷلكەن سەپتٸگٸن تيگٸزگەن وبلىس ەكٸمٸ نوعاەۆ نۇرلان اسقارۇلىنا العىسىمدى بٸلدٸرەمٸن. بۇل ويىن بٸزدٸڭ جاستارىمىزعا, ٶسكەلەڭ ۇرپاققا سپورتتىڭ جاڭا باعىتىن كٶرسەتٸپ, سەرپٸن بەرەدٸ دەگەن ٷمٸتتەمٸن. فۋتبول - حالىق اراسىندا جوعارى تانىمالدىلىققا يە بولۋدا. سوندىقتان, ارى قاراي فۋتبولدى جاڭاٶزەن قالاسىندا دامىتۋدى جالعاستىرامىز دەگەن سەنٸمدەمٸن, - دەدٸ جانسەيٸت قاينارباەۆ.
جارىس جاڭاٶزەن قالاسىنداعى ەمين تۇياقوۆ اتىنداعى ستاديوندا بولدى. ويىنعا مىڭداعان جانكٷيەرلەر قاتىسىپ, جەرلەستەرٸمٸزگە قولداۋ كٶرسەتتٸ.
بٸرٸنٸشٸ ليگا نەتيجەسٸندە, «كاسپيي» فۋتبول كلۋبى 4:1 ەسەبٸمەن جەڭٸسكە جەتتٸ.
«كاسپيي» فۋتبول كلۋبىنىڭ باسشىسى نۇرجان جالعاسباەۆ جارىسقا سپورتشىلاردىڭ دايىندىعى جوعارى دەڭگەيدە بولعانىن ايتىپ ٶتتٸ.
-بٸرٸنشٸ ليگاگا اقپان ايىنان باستاپ دايىندىقتى باستادىق. بۇل «كاسپيي» فۋتبول كلۋبى ٷشٸن جىل باسىنان بەرٸ ەكٸنشٸ ويىن بولدى. العاشقى ويىن ارىس قالاسىندا ٶتٸپ, جەڭٸسپەن ورالعان بولاتىنبىز. دەل سول نەتيجەنٸ بٷگٸن كٶرسەتتٸك, - دەدٸ نۇرجان جالعاسباەۆ.
ويىن سوڭىندا ەكٸ كوماندانىڭ ٶكٸلدەرٸ باسپاسٶز كونفەرەنتسيياسىنا قاتىسىپ, بٷگٸنگٸ ليگا تۋرالى ٶز پٸكٸرلەرٸمەن بٶلٸستٸ. الداعى ۋاقىتتا «كاسپيي» فۋتبول كلۋبىنىڭ ٶز جەرٸمٸزدە بولاتىن جارىستارىنىڭ بارلىعى جاڭاٶزەندە ٶتەتٸن بولادى.
-32 جىلدان كەيٸن قالامىزعا ٷلكەن فۋتبول قايتا ورالدى. مەن وسىنداي جوعارى دەڭگەيدەگٸ جارىسقا العاش رەت كەلٸپ تۇرمىن. ٶتە قاتتى ۇناپ جاتىر. اتموسفەراسى تىم بٶلەك. «كاسپيي» فۋتبول كلۋبىنىڭ جانكٷيەرٸمٸن. مەنٸڭ جانىمدا دوستارىم دا بار. بارلىعىمىز اقتاۋلىق كومانداعا سەنەمٸز. «كاسپيي» العا! سپورتشىلارىمىز جاقسى ويىن كٶرسەتٸپ جاتىر. ارى قاراي دا ٷلكەن جەڭٸستەر كٷتەمٸز. بٷگٸنگٸدەي جارىستار جاڭاٶزەندە كٶبەيسە, جانكٷيەر رەتٸندە قۋاناتىن بولامىز, - دەدٸ جانكٷيەر ەرنار نۇرلانۇلى.
ايتا كەتەيٸك, قالا ەكٸمدٸگٸ حالىقتىڭ فۋتبولعا دەگەن زور قىزىعۋشىلىعىن كٶرٸپ, جاڭاٶزەندە «كاسپيي» فۋتبول ورتالىعى بٶلٸمشەسٸنٸڭ اشۋعا قولداۋ بٸلدٸرەتٸنٸن جەتكٸزدٸ.
