Qazaqstandyq loýkoster FlyArystan 2025 jyldyń 29 qarashasynan bastap Aqtaý – Dýbai – Aqtaý baǵytynda reis ashady, dep habarlaidy Dalanews.kz.
Alǵashqy kezeńde reister aptasyna bir ret – senbi kúnderi oryndalady.
"16 jeltoqsan men 6 qańtar aralyǵyndaǵy qysqy mektep demalysy kezeńinde, sondai-aq, 10–24 naýryz aralyǵyndaǵy kóktemgi merekelerde seisenbi kúnderi qosymsha reister oryndalady. Kúndizgi keste bul baǵytty otbasylyq saiahattar men merekelik saparlar úshin erekshe yńǵaily etedi", - delingen kompaniia habarlamasynda.
Ushý ýaqytynyń ortasha uzaqtyǵy 3,5 saǵatty quraidy.
Eske salaiyq, Qazaqstan azamattary úshin Birikken Arab Ámirlikterinde 30 kúnge deiin vizasyz júrý rejimi qoldanylady.
