"Adamzattyń abyzy, aqylmany, Alashtyń ardaqty uly, asa kórnekti qalamger, mádenıet jáne qoǵam qaıratkeri, Eńbek Eri Ábish Kekilbaıulynyń baqılyq bolǵanyna jyl bolady jaqynda. Osy jyl basynda Mańǵystaý oblysynyń ákimi A.Aıdarbaevtyń qaýlysymen Ábishti máńgi este qaldyrý jáne onyń tarıhı-mádenı, ádebı muralaryn nasıhattaý jóninde komısıa qurylǵan bolatyn. Búginde komısıa birqatar isterdi atqaryp úlgerdi. Óziniń týǵan jeri Mańǵystaýdyń ortalyǵy Aqtaý qalasyna Ábish Kekilbaev rýhanı ortalyǵy salynatyn boldy", deıdi Mırlan Saqtaǵanuly feısbýktaǵy jazbasynda.
Arnaıy Astana qalasynan kelgen elimizge belgili sáýletshiler búgin óńir basshysyna ortalyqtyń eskızin tanystyrdy. Eskız jumysy taraptardyń kelisimimen júzege asyrylyp otyr. Ortalyq mańynda 2000 adam demala alatyn jáne olarǵa qajetti kitaphana, mýzeı eksponaty, konsert zaly, kitap dúkenderi jáne sýburqaqtar ornatylady. Ortalyq qurylysy keler jyly bastalady dep josparlanýda.
Aıta ketsek, byltyr Oral qalasynda Qadyr Myrza Áli atyndaǵy Mádenıet jáne óner ortalyǵy ashylǵan bolatyn.
Derekkóz: Ult portaly
