"ادامزاتتىڭ ابىزى، اقىلمانى، الاشتىڭ ارداقتى ۇلى، اسا كورنەكتى قالامگەر، مادەنيەت جانە قوعام قايراتكەرى، ەڭبەك ەرى ءابىش كەكىلباي ۇلىنىڭ باقيلىق بولعانىنا جىل بولادى جاقىندا. وسى جىل باسىندا ماڭعىستاۋ وبلىسىنىڭ اكىمى ا.ايداربايەۆتىڭ قاۋلىسىمەن ءابىشتى ماڭگى ەستە قالدىرۋ جانە ونىڭ تاريحي-مادەني، ادەبي مۇرالارىن ناسيحاتتاۋ جونىندە كوميسسيا قۇرىلعان بولاتىن. بۇگىندە كوميسسيا ءبىرقاتار ىستەردى اتقارىپ ۇلگەردى. ءوزىنىڭ تۋعان جەرى ماڭعىستاۋدىڭ ورتالىعى اقتاۋ قالاسىنا ءابىش كەكىلبايەۆ رۋحاني ورتالىعى سالىناتىن بولدى"، دەيدى ميرلان ساقتاعان ۇلى فەيسبۋكتاعى جازباسىندا.
ارنايى استانا قالاسىنان كەلگەن ەلىمىزگە بەلگىلى ساۋلەتشىلەر بۇگىن ءوڭىر باسشىسىنا ورتالىقتىڭ ەسكيزىن تانىستىردى. ەسكيز جۇمىسى تاراپتاردىڭ كەلىسىمىمەن جۇزەگە اسىرىلىپ وتىر. ورتالىق ماڭىندا 2000 ادام دەمالا الاتىن جانە ولارعا قاجەتتى كىتاپحانا، مۋزەي ەكسپوناتى، كونسەرت زالى، كىتاپ دۇكەندەرى جانە سۋبۇرقاقتار ورناتىلادى. ورتالىق قۇرىلىسى كەلەر جىلى باستالادى دەپ جوسپارلانۋدا.
ايتا كەتسەك، بىلتىر ورال قالاسىندا قادىر مىرزا ءالى اتىنداعى مادەنيەت جانە ونەر ورتالىعى اشىلعان بولاتىن.
دەرەككوز: ۇلت پورتالى
